ज्या तरुणांना एअर फोर्समध्ये काम करण्याची इच्छा असेल त्यांच्यासाठी नोकरीची सुवर्णसंधी आहे. पुण्यातील एअर फोर्स स्कूलमध्ये नोकरीची संधी आहे. या स्कूलमध्ये दोन शिक्षक पदासाठी भरती सुरु आहे. स्पेशल एज्युकेटर म्हणजेच विशेष शिक्षक आणि गणित या विषयासाठी आणि पीजीटी या पदासाठी रिक्त जागेवर भरती केली जाणार आहे. स्पेशल एज्युकेटर पदासाठी अर्ज करण्याची शेवटची तारीख १६ जुलै २०२४ आहे.
पुण्यातील एअर फोर्स स्कूलमध्ये भरती केल्या जाणाऱ्या शिक्षकांसाठी वयोमर्यादा निश्चित करण्यात आली आहे. २१ ते ५० वयोगटातील उमेदवार या नोकरीसाठी अर्ज करु शकणार आहेत. मास्टर्स, बॅचलर्स, बीएड, पीजी डिप्लोमा शिक्षण झालेले उमेदवार या नोकरीसाठी अर्ज करु शकतात. या पदासाठी अर्ज करणाऱ्या उमेदवाराला संगणकाविषयी ज्ञान असणे गरजेचे आहे.
या नोकरीसाठी इच्छुक उमेदवारांना recruitmentatafsvn@gmail.com यावर मेल करायचा आहे. नोकरीसाठी अर्ज ऑनलाइन पद्धतीने भरायचा आहे.याबाबत सर्व माहिती एअर फोर्स स्कूलच्या अधिकृत वेबसाइटवर देण्यात आली आहे. या नोकरीसाठी निवड झाल्यावर उमेदवाराला २८,५०० रुपये मासिक वेतन दिले जाईल. या नोकरीचे ठिकाण पुणे असणार आहे. त्यामुळे पुण्यात राहणाऱ्या रहिवाशांनी किंवा तिथे काम करण्याची तयारी असणाऱ्या उमेदवारांनीच अर्ज करावेत. अधिक माहितीसाठी www.airforceschoolpune.ac.in ला भेट द्या.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.