ITBP Constable Bharti 2025: 10 वी पास उमेदवारांना मिळेल सरकारी नोकरी; कॉन्स्टेबल पदांसाठी भरती

दहावी उत्तीर्ण उमेदवारांना सरकारी नोकरी मिळवण्याची सुवर्ण संधी चालून आलीय. ITBP मध्ये स्पोर्ट्स कोट्यातून कॉन्स्टेबल पदांची भरती केली जाणार आहे. याबाबत इंडो-तिबेट सीमा पोलीस दलाने जाहिरात देखील जाहीर केलीय. ज्या उमेदवारांना नोकरीसाठी अर्ज करायचा आहे. ते ऑनलाईन पद्धतीने अर्ज करू शकतात. इच्छुक उमेदवार ITBP recruitment.itbpolice.nic.in या अधिकृत वेबसाइटद्वारे ऑनलाइन अर्ज करू शकतील.

अर्ज करण्याची अंतिम तारीख 2 एप्रिल 2025 आहे. ITBP ने क्रीडा कोट्याअंतर्गत 133 कॉन्स्टेबल पदांसाठी भरती प्रक्रिया राबवणार आहे. या भरती प्रक्रियेतून गुणवंत खेळाडूंची भरती केली जाणार आहे. क्रीडा कोट्यातील या भरतीसाठी अर्ज करण्यासाठी पात्रता निकष काय आहेत आणि अर्जदारांची निवड कशी केली जाईल? हे जाणून घेऊ.

ITBP Constable Bharti 2025 Eligibility Criteria: आयटीबीपी कॉन्स्टेबल भरती २०२५ पात्रता निकष

क्रीडापटू, जलतरणपटू आणि नेमबाजीतील राष्ट्रीय आणि आंतरराष्ट्रीय पदक विजेते किंवा राष्ट्रीय आणि आंतरराष्ट्रीय स्पर्धांमध्ये सहभागी झालेले खेळाडू या भरतीसाठी अर्ज करू शकतात. याशिवाय उमेदवार हा दहावी उत्तीर्ण असणं आवश्यक आहे. अर्जदाराचे वय १८ ते २३ वर्षांच्या दरम्यान असावे. सरकारी नियमांनुसार राखीव प्रवर्गातील उमेदवारांना उच्च वयोमर्यादेतही सूट देण्यात आलीय.

अर्ज करण्यासाठी किती फी भरावी लागेल?

सामान्य, OBC आणि EWS श्रेणीतील पुरुष उमेदवारांना १०० रुपये अर्ज शुल्क भरावे लागेल. अनुसूचित जाती, अनुसूचित जमाती आणि महिला अर्जदारांना अर्ज शुल्क भरण्यापासून सूट देण्यात आलीय. अर्जाची फी ऑनलाइन पद्धतीने भरायची आहे.

असा करा अर्ज : ITBP Sports Quota Bharti 2025

ITBP recruitment.itbpolice.nic.in च्या अधिकृत वेबसाइटवर जा.

होमपेजवर दिलेल्या नवीन युझर्स म्हणून आधी नोंदणी करावी लागेल.

प्रविष्ट करून नोंदणी करा आणि फॉर्म भरा.

आवश्यक कागदपत्रे अपलोड करा.

फी भरा आणि फॉर्म सबमिट करा.

निवड प्रक्रियेसाठी केवळ तेच उमेदवार निवडले जातील, जे अधिसूचनेत दिलेल्या पात्रता पूर्ण करतील. कागदपत्रांची पडताळणी, शारीरिक मानक चाचणी (PST) आणि वैद्यकीय तपासणीद्वारे उमेदवारांची निवड केली जाईल.