BRO Bharti 2024: संरक्षण मंत्रालयात मेगाभरती; दहावी-बारावी पास विद्यार्थ्यांसाठी मोठी संधी, आजच करा अर्ज

सरकारी नोकरी करण्याची इच्छा असणाऱ्या तरुणांसाठी आनंदाची बातमी आहे. बॉर्डर रोड ऑर्गनायझेशन (BRO) मध्ये विविध पदांसाठी भरती सुरु आहे. ४०० पेक्षा अधिक रिक्त जागांसाठी ही भरती जाहीर करण्यात आली आहे. संरक्षण मंत्रायलाअंतर्गत नोकरी करण्याची ही सुवर्णसंधी आहे.

या नोकरीसाठी अर्जप्रक्रिया सुरु झाली आहे. या नोकरीसाठी फक्त पुरुष उमेदवार अर्ज करु शकतात. यासाठी तुम्हाला recruitment.bro.gov.in वर जाऊन अर्ज करावा लागेल. ४६६ जागांसाठी ही भरती करण्यात येणार आहे.

यामध्ये ड्राफ्ट्समॅन, सुपरवायजर, टर्नर, मेकॅनिस्ट, ड्रायव्हर मॅकेनिस्ट ट्रान्सपोर्ट, ड्रायव्हर रोज रोलर, उत्खनन मशिनरी ऑपरेटर अशा विविध पदांसाठी ही भरती करण्यात येणार आहे.

या नोकरीसाठी अर्ज करणाऱ्या उमेदवाराने मान्यताप्राप्त बोर्डातून दहावी किंवा बारावी पदवी प्राप्त असणे गरजेचे आहे.तसेच संबंधित क्षेत्रातील आयटीआय सर्टिफिकेट असायला हवे.

या नोकरीसाठी ड्रायव्हर पदासाठी अर्ज करणाऱ्या उमेदवाराकडे हेवी मोटर वाहन चालवण्याचे लायसन्स असायला हवे.या नोकरीसाठी १८ ते २५ वयोगटातील उमेदवार अर्ज करु शकतात.

नोकरीसाठी उमेदवारांची निवड लेखी परीक्षा, फिजिकल टेस्ट घेतली जाते. यानंतर कागदपत्रे पडताळणी करुन मेडिकलसाठी बोलावले जाईल. यानंतर उमेदवारांची निवड केली जाईल.