BHEL Recruitment: नुकतंच शिक्षण झालंय? BHEL मध्ये नोकरीची संधी, अर्ज कसा करावा?

नोकरीच्या शोधात असणाऱ्या तरुणांसाठी अत्यंत महत्त्वाची बातमी आहे. आता टेक्निकल बॅकग्राउंड असणाऱ्या तरुणांसाठी चांगल्या कंपनीत नोकरी करण्याची उत्तम संधी आहे. भारत हेवी इलेक्ट्रिकल्स लिमिटेड (BHEL) मध्ये नोकरी करण्याची सुवर्णसंधी तुमच्याकडे आहे. या भरतीसाठी जाहिरात प्रसिद्ध करण्यात आली आहे.

बीएचईएलमध्ये (BHEL Recruitment) तब्बल ५१५ पदांसाठी भरती करण्यात येणार आहे. यामध्ये फिटर, वेल्डर, टर्नर, मेकॅनिस्ट, इलेक्ट्रिशियन, इलेक्ट्रॉनिक्स मॅकेनिक आणि फाउंड्री मॅन या पदांचा समावेश आहे. या नोकरीसाठी इच्छुकांनी लवकरात लवकर अर्ज करावेत.

या नोकरीसाठी अर्जप्रक्रिया १६ जुलै २०२५ पासून सुरु होणार आहे. त्यामुळे इच्छुकांनी या दिवशी अर्ज करावेत. या नोकरीसाठी उमेदवारांनी bhel.com या अधिकृत वेबसाइटवर जाऊन अर्ज करायचे आहे. या नोकरीसाठी शॉर्ट नोटिफिकेशन जारी केले आहे. त्यावर जाऊन तुम्ही अधिक माहिती मिळवू शकतात.

पात्रता

या नोकरीसाठी अर्ज करणाऱ्या उमेदवारांनी मान्यताप्राप्त बोर्डातून दहावी पास असणे गरजेचे आहे. याचसोबत संबंधित ट्रेडमध्ये आयटीआय, नॅशनल ट्रेड सर्टिफिकेट किंवा नॅशनल अप्रेंटिसशिप सर्टिफिकेट प्राप्त केलेले असावे. या नोकरीसाठी अर्ज करणाऱ्या उमेदवाराने कमीत कमी ६० गुण प्राप्त केले असावे.

या नोकरीसाठी अर्ज करणाऱ्या उमेदवारांची कमाल वयोमर्यादा २७ वर्षे असावी. राखीव प्रवर्गातील उमेदवारांना वयोमर्यादेत सूट देण्यात आली आहे.

सरकारी कंपनीत नोकरी करण्याची ही उत्तम संधी आहे. या नोकरीसाठी निवड झाल्यावर तुमचं करिअर अजूनच चांगलं होईल. तुम्हाला अनेक गोष्टी शिकण्याची संधी मिळेल.

या नोकरीसाठी अर्ज करण्यासाठी तुम्हाला आधी अधिकृत वेबसाइटवर जावे लागेल. त्यानंतर Apprentice Recruitment 2025 वर क्लिक करायचे आहे. यानंतर नवीन रजिस्ट्रेशन करावे.यानंतर तुमची सर्व माहिती भरा. कागदपत्रे अपलोड करा आणि हा फॉर्म सबमिट करा. या फॉर्मची प्रिंट आउट तुमच्याजवळ ठेवा.