तबला वादनाने प्रेक्षकांना मंत्रमुग्ध करणारे झाकीर हुसेन हे याचे निधन झाले आहे. त्यांनी अखेरचा श्वास अमेरिकेतील फ्रॉन्सिस्कोमध्ये घेतला. झाकीर हुसेन यांच्या जीवनातील काही न ऐकलेले किस्से आपण जाणून घेणार आहोत. झाकीर हुसेन यांचा जन्म ९ मार्च १९५१ मध्ये झाला होता. तबला वादनाची कला त्यांना वडिलोपार्जित मिळाली होती. झाकीर हुसेन यांच्या वडिलांचेही संगीत विश्वात मोठे नाव होते. ते तबलावादकही होते.
वडिलांना पाहून उस्ताद झाकीर हुसेन यांना तबल्यावर जुगलबंदी करण्याची आवड निर्माण झाली. वडिलांनीही त्यांना तबला वादनातील बारकावे आवडीने शिकवले. झाकीर हुसेन यांनी तबला वादनातील सर्व बारकावे शिकून घेत ती कला पूर्णपणे आत्मसात केली. मुंबईत जन्मलेल्या झाकीर हुसेन यांनी सेंट झेवियर्स कॉलेजमधून शिक्षण घेतले. वयाच्या 11 व्या वर्षी त्यांनी अमेरिकेत त्यांच्या आयुष्यातील पहिला कार्यक्रम केला.
त्यानंतर हुसेन यांची संगीत जगतात ओळख होऊ लागली. त्यांचा पहिला अल्बम 1973 साली आला होता. त्याचे लोकांनी भरभरून कौतुक केलं. 'लिव्हिंग इन द मटेरियल वर्ल्ड' या अल्बमने त्यावेळी खळबळ उडवून दिली होती. अमेरिकेचे तत्कालीन राष्ट्राध्यक्ष बराक ओबामा यांनी ऑल-स्टार ग्लोबल कॉन्सर्टमध्ये सहभागी होण्यासाठी व्हाईट हाऊसमध्ये आमंत्रित केलेले उस्ताद हे पहिले भारतीय कलाकार होते.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.