छत्तीसगडमधील दुर्ग जिल्ह्यात बस दरीत कोसळल्याची घटना घडलीय. या अपघातात 11 कर्मचाऱ्यांचा मृत्यू झालाय. तसेच अनेक कर्मचारी जखमी झाल्याचे वृत्त आहे. हा अपघात रात्री ९ वाजता घडला. सध्या मदतकार्य सुरू आहे. मिळालेल्या माहितीनुसार, ही बस केडिया डिस्टिलरीच्या 27 कर्मचाऱ्यांसह कुम्हारीहून भिलाईला परतत होती. त्यावेळी बस 50 फूट खोल दरीत कोसळली. या अपघातात 11 जणांचा मृत्यू झाला आहे. तर 16 जण जखमी झाले आहेत. (Latest News)
कारखान्यापासून अर्धा किलोमीटर अंतरावर हा अपघात झाला. गंभीर जखमींना रायपूरला पाठवण्यात आले आहे. या अपघातात 9 जण गंभीर जखमी झाल्याचं सांगण्यात येत आहे. एकीकडे मदतकार्य सुरू असून त्यासोबतच काही जणांना प्राथमिक उपचारासाठी धमधाच्या आरोग्य केंद्रात दाखल करण्यात आले आहे. रायपूरचे पोलिस दल घटनास्थळी पोहोचले आहे. जखमींची प्रकृती अत्यंत बिकट आहे.
त्यामुळे मृतांचा आकडाही वाढण्याची शक्यता आहे. पोलिसांनी दिलेल्या माहितीनुसार घटनेची माहिती मिळताच पोलिसांचे पथक घटनास्थळी रवाना झाले. अपघातस्थळी दाखल होताच बचावकार्य सुरू करण्यात आले. मृतदेह आणि जखमींना रुग्णालयात पाठवण्यात आले असून बस खाणीतून बाहेर काढण्याचे प्रयत्न सुरू असल्याची माहिती पोलिसांनी दिली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.