Valentine Week 2026 : फुलापेक्षा कंडोमची विक्री जास्त, व्हॅलेंटाईनला भारतीयांनी मोडला विक्रम, वाचा

तरुणाईचा सगळ्यात आवडता आठवडा म्हणजेच व्हॅलेंटाईन वीक नुकताच पार पडला. या व्हॅलेंटाईन वीकमध्ये अनेकांनी आपल्या जवळच्या प्रियजनांना गुलाबाच्या फुलांसह अनेक वेगवेगळ्या प्रकारच्या भेटवस्तू दिल्या. धक्कादायक म्हणजे या भेटवस्तूंपेक्षा भारतात सर्वात जास्त कंडोमची विक्री झाल्याचं अहवालात समोर आलं आहे. या वर्षी,कंडोम उत्पादनांच्या विक्रीने २०२५ चा विक्रमही ओलांडला आहे.

प्रगत तंत्रज्ञानामुळे बाजारातील सगळ्या वस्तू अगदी घरपोच आपल्याला मिळतात. यासाठी अनेक कंपन्या सध्या कार्यरत. यातील काही ऑनलाईन कंपन्यांचा व्हॅलेंटाईन विकचा धक्कादायक अहवाल समोर आला आहे. त्यापैकी क्विककॉमर्स अॅप्सच्या ताज्या अहवालानुसार, ७ ते १४ फेब्रुवारी दरम्यान शारीरिक संबंध ठेवण्यासाठी वापरल्या जाणाऱ्या उत्पादनांच्या विक्रीचे आकडे खूपच धक्कादायक आहेत.

तसेच इन्स्टामार्टच्या अलीकडील अहवालानुसार, २०२५ च्या तुलनेत या वर्षी व्हॅलेंटाईन डेला लोकांनी तिप्पट जास्त शारीरिक संबंध ठेवण्यासाठी वापरल्या जाणाऱ्या वस्तूंची ऑर्डर केली. मात्र फक्त शारीरिक संबंध ठेवण्यासाठी वापरल्या जाणाऱ्या वस्तूच नाही तर, मेकप आणि बॉडी केअर सारख्या वस्तूंची देखील एका आठवड्यात मागणी वाढली होती असून त्याच्या विक्रीमध्ये लक्षणीय वाढ झाली.

अहवालानुसार, व्हॅलेंटाईन वीकमध्ये बाथ, बॉडी आणि मेकअपच्या वस्तू सर्वाधिक खरेदी केल्या गेल्या आहेत. तसेच एकाच वेळी ग्राहकांनी जवळपास १० ते १५ हजारांच्या वस्तू ऑनलाईन खरेदी केल्या असल्याचं समोर आलं आहे. खरेदी विक्रीच्या या अहवालात कंडोमचा नंबर अव्वल आहे.