Ayodhya News : अयोध्या धाम आणि पंचक्रोशी परिक्रमा मार्गावर ऑनलाईन मांसाहारी फूड विक्रीवर बंदी, नेमकं कारण काय?

Uttarpradesh Ayodhya And Panchkroshi News : अयोध्या धाम आणि पंचक्रोशी परिक्रमा मार्गात मांसाहारी अन्नाच्या विक्री व पुरवठ्यावर प्रशासनाने पूर्ण बंदी घातली आहे. हॉटेल्स, गेस्ट हाऊस आणि ऑनलाइन फूड डिलिव्हरी कंपन्यांनाही हा आदेश लागू राहणार आहे.
Ayodhya News : अयोध्या धाम आणि पंचक्रोशी परिक्रमा मार्गावर ऑनलाईन मांसाहारी फूड विक्रीवर बंदी, नेमकं कारण काय?
Uttarpradesh Ayodhya And PanchkroshiSaam Tv
Published On
Summary
  • अयोध्या धाम व पंचक्रोशी मार्गात मांसाहारावर पूर्ण बंदी

  • ऑनलाइन फूड डिलिव्हरी कंपन्यांनाही आदेश लागू

  • धार्मिक भावना लक्षात घेऊन प्रशासनाचा कठोर निर्णय

  • उल्लंघन करणाऱ्यांवर कायदेशीर कारवाईचा इशारा

Ayodhya And Panchkroshi Online Non Veg Food Ban रामनगरी अयोध्येची धार्मिक आणि सांस्कृतिक प्रतिष्ठा जपण्यासाठी प्रशासनाने एक मोठा आणि कठोर निर्णय घेतला आहे. अयोध्या धाम आणि पंचक्रोशी परिक्रमा मार्गात मांसाहारी पदार्थांच्या विक्री आणि पुरवठा करण्यावर आता पूर्ण बंदी घालण्यात आली आहे. ही बंदी केवळ हॉटेल्स, आणि दुकानांपुरती मर्यादित न राहता ऑनलाइन डिलिव्हरी कंपन्यांनाही तितकीच लागू करण्यात आली आहे.

प्रशासनाच्या आदेशानुसार, गेस्ट हाऊस आणि होमस्टेमध्ये मांसाहारी जेवणाला आता परवानगी नाही. या भागात मांसाहारी जेवणावर आधीच बंदी होती, परंतु तरीही, उल्लंघनाच्या तक्रारी येत होत्या. काही पर्यटकांना ऑनलाइन फूड डिलिव्हरी अॅप्सद्वारे ऑर्डर केलेले मांसाहारी जेवण दिले जात असल्याचे तपासात समोर आले. यामुळे स्थानिक रहिवासी आणि यात्रेकरूंच्या धार्मिक भावना दुखावल्या जात होत्या.

Ayodhya News : अयोध्या धाम आणि पंचक्रोशी परिक्रमा मार्गावर ऑनलाईन मांसाहारी फूड विक्रीवर बंदी, नेमकं कारण काय?
Railway News : रेल्वे कर्मचाऱ्यांसाठी मोठी बातमी! कर्मचाऱ्यांच्या गणवेशात होणार मोठा बदल; रेल्वे मंत्री काय म्हणाले? वाचा

या तक्रारी गांभीर्याने घेत प्रशासनाने आता ऑनलाइन मांसाहारी डिलिव्हरीवर पूर्णपणे बंदी घालण्याचा आदेश जारी केला आहे. प्रशासनाचे म्हणणे आहे की अयोध्या धाम आणि पंचकोशी परिक्रमा मार्ग हे पवित्र धार्मिक क्षेत्र आहेत, जिथे येणाऱ्या भाविकांच्या श्रद्धा आणि भावनांचा आदर केला पाहिजे.या आदेशानुसार, सर्व हॉटेल ऑपरेटर, ढाबा मालक, दुकानदार आणि ऑनलाइन फूड डिलिव्हरी कंपन्यांना आदेश देण्यात आले आहेत की, या धार्मिक क्षेत्रात कोणत्याही प्रकारचे मांसाहारी अन्न तयार किंवा पुरवले जाऊ नये.

Ayodhya News : अयोध्या धाम आणि पंचक्रोशी परिक्रमा मार्गावर ऑनलाईन मांसाहारी फूड विक्रीवर बंदी, नेमकं कारण काय?
Shocking : "तुला पाळी आली असेल तर पुरावा दाखव", शिक्षिकेची अपमानास्पद वागणूक, विद्यार्थिनीचा मृत्यू; सरकारी कॉलेजमधील धक्कादायक प्रकार

सहाय्यक अन्न आयुक्त माणिक चंद्र सिंह यांनी आदेश लागू केला असून नियमांचे उल्लंघन करणाऱ्यांवर कठोर कायदेशीर कारवाई केली जाईल असे सांगितले. शिवाय प्रशासन यावर सतत लक्ष ठेवून असेल आणि आदेशाचे पालन न करणाऱ्या कोणत्याही हॉटेल, गेस्ट हाऊस, दुकान किंवा ऑनलाइन कंपनीवर कारवाई केली जाईल असेही त्यांनी सांगितले. धार्मिक शिष्टाचाराबाबत कोणतीही हलगर्जीपणा खपवून घेतली जाणार नाही, असेही त्यांनी स्पष्ट केले. प्रशासनाच्या या निर्णयामुळे अयोध्या धाम आणि पंचकोशी परिक्रमा मार्गात धार्मिक जागा पवित्र राहील.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com