२७५६४ रुपयांत IAS व्हा; UPSC करणाऱ्या प्रत्येक तरुणाची झोप उडवणारी बातमी; नेमकं प्रकरण आहे तरी काय?

केंद्रीय लोकसेवा आयोगाची परीक्षा देण्यासाठी दिवसरात्र मेहनत करावी लागते. देशातील लाखो तरुण दरवर्षी यूपीएससी परीक्षा देतात. आयएएस, आयपीएस होण्याचे अनेकांचे स्वप्न असते. यासाठी यूपीएससीसाठी वेगवेगळ्या ठिकाणी क्लास लावतात. दरम्यान, यूपीएससी परीक्षा देणाऱ्या तरुणांसाठी महत्त्वाची बातमी आहे. यूपीएससी करणाऱ्या तरुणांसोबत फसवणूक झाली आहे

बनावट UPSC निकाल घेऊन LBSNAA गाठलं

एका तरुणाने थेट स्वतः चा खोटा यूपीएससी रिझल्ट तयार करुन घेतला. हा रिझल्ट घेऊन तो ट्रेनिंग घेण्यासाठी दाखल झाला. बिहारच्या पुष्पेंद्र सिंग याने या गोष्टी केल्या आहे. तो गुरुग्राममधील खाजगी कंपनीत काम करतो. गेल्या शनिवारी तो LBSNAA येथे गेला. पीटीआयने दिलेल्या माहितीनुसार, LBSNAA येथे एक तरुण यूपीएससीचा खोटा निकाल घेऊन प्रशिक्षणासाठी आला होता. त्याने यूपीएससी परीक्षेत निवड झाल्याचा खोटा दावा केला होता. या घटनेनंतर चौकशी सुरु झाली.

प्राथमिक तपासात असे दिसून आले की, पुष्पेंद्र सिंग यांची आयएएस-आयपीएस बनवण्याच्या नावाखाली फसवणूक झाली झाली आहे. पोलिसांनी दिलेल्या माहितीनुसार, पुष्पेंद्र यांच्याशी गुरुग्राममधील काही लोकांनी संपर्क साधला. त्यांनी परीक्षा आणि मुलाखतीच्या नावाखाली दोनदा पैसे लाटले. यूपीआयद्वारे एकदा १३००० रुपये तर दुसऱ्यांदा १४,५६४ रुपये घेतले.

व्हॉट्सअॅपवर पाठवला निकाल

चौकशीदरम्यान एक महत्त्वाची माहिती समोर आली. त्याची यूपीएससी परीक्षेत निवड झाली असा निकाल त्याला व्हॉट्सअॅपवर मिळाला. त्याला प्रशिक्षणासाठी LBSNAA येथे उपस्थित राहण्यास सांगितले. जेव्हा हा तरुण पालकांसोबत पहिल्यांदा LBSNAA येथे आला तेव्हा त्याची फसवणूक झाली असल्याचे समजले. यानंतर मसूरी पोलिसांना घटनेची माहिती देण्यात आली. यानंतर आता पुढील तपासासाठी प्रकरण गुरुग्राम पोलिसांकडे सोपवण्यात आले आहे.

यूपीएससीच्या विद्यार्थ्यांनी ही काळजी घ्या (UPSC Students Must Aware of These Things)

जर यूपीएससी परीक्षेची तयारी करत असाल तर कोणत्याही मेसेजला बळी पडू नका. यूपीएससीबाबत सर्व माहिती तुम्हाला (upsc.gov.in) किंवा upsconline.nic.in या वेबसाइटवर दिली जाते. परीक्षा उत्तीर्ण होण्याच्या नावाखाली जर पैशाची मागणी करत असतील तर त्यांच्यापासून सावध राहा. पोलिसांना या घटनेची माहिती द्या.