मध्य प्रदेशच्या उज्जैनमधून धक्कादायक घटना समोर आली आहे. विवाहित महिलेलं पळविण्याचा राग मनात धरून गावातील लोकांनी तरुणासोबत धक्कादायक कृत्य केलं आहे. गावकऱ्यांनी तरुणांच्या गळ्यात चपल्लांचा हार घातला. तसेच महिलांना तरुणाला मारहाण करण्यास सांगितलं. त्याचं टक्कल करुण धिंड काढल्याचाही प्रकार उघडकीस आला आहे. या घटनेने परिसरात एकच खळबळ उडाली आहे. (Latest Marathi News)
तरुणासोबत धक्कादायक कृत्य केल्याचा प्रकार सोशल मीडियावर व्हायरल झाला आहे. तरुणासोबतचा व्हिडिओ व्हायरल झाल्यानंतर जिल्ह्यात खळबळ उडाली आहे. पोलिसांनी या प्रकरणाचा तपास सुरु केला आहे.
उज्जैनपासून ६० किलोमीटर दूर बडनगर तालुक्यातील भाटपचलाना येथे राहणाऱ्या विवाहित महिलेचे एका तरुणासोबत प्रेमसंबंध होते. या महिलेला दोन मुले होती. या दोन मुलांना सोडून महिला प्रियकरासोबत पळाली. त्यानंतर सासरच्या लोकांनी महिलेला सर्वत्र शोधलं.
महिलेच्या सासरच्या लोकांनी दोघांना पकडलं. या दोघांना राजस्थानमधून पकडलं. त्यानंतर भडकलेल्या लोकांनी महिलेला पळवून नेल्याप्रकरणी तरुणाला बेदम मारहाण केली. लोकांनी त्याच्या गळ्यात चपल्लांचा हार घातला. महिलांना त्याला मारहाण करण्यास सांगितलं. काही लोकांनी त्याला लघवी पाजली. लोकांनी तरुणाचं टक्कल करून धिंड काढली.
सुरुवातील या घटनेचा व्हिडिओ काही लोकांमध्ये व्हायरल झाला. त्यानंतर या घटनेचा व्हिडिओ सोशल मीडियावर व्हायरल झाला. या घटनेचा व्हिडिओ व्हायरल झाल्यानंतर जिल्ह्यात एकच खळबळ उडाली. या घटनेचा व्हिडिओ पोलिसांपर्यंत पोहोचल्यानंतर त्यांनी कारवाई सुरु केली. तरुणांची धिंड काढणाऱ्यांची ओळख तपासून त्यांच्यावर कारवाई केली जाईल, असं पोलिसांनी सांगितलं आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.