कोरोनाने मृत्यू पावलेल्या व्यक्तींच्या नातेवाईकांना दोन लाख रुपये

गोवा - डबडबलेले डोळे, थरथरणारे हात, आणि आवरलेले हुंदके अशा भावपूर्ण स्थितीत गोवा सरकारच्या समाजकल्याण खात्याच्या वतीने आयोजित कोविड रिलीफ कार्यक्रम पार पडला. पणजीच्या इन्स्टिट्यूट मिनेझिस ब्रागांझा सभाग्रहात झालेल्या या कार्यक्रमाला राज्याचे मुख्यमंत्री डॉ. प्रमोद सावंत Pramod sawant, समाज कल्याण मंत्री मिलिंद नाईक Milind Naik यांची उपस्थिती होती. त्या कार्यक्रमात कोरोनामुळे covid-19 मृत्यू पावलेल्या 46 व्यक्तींच्या नातेवाईकांना दोन लाख रुपये याचे स्वीकृतीपत्र देण्यात आले. याच कार्यक्रमात कोविडच्या काळात पारंपरिक व्यवसाय अडचणीत आलेल्या 26 व्यक्तींचा पाच हजार रुपयांचे धनादेश देण्यात आले.

हे देखील पहा -

गोव्यात कोविड मृत्यू रिलीफ योजनेसाठी 471 अर्ज आले असून त्यापैकी 349 अर्ज मंजूर केले आहेत त्यातील 57 व्यक्तींच्या खात्यात पैसे जमा केले असून 120 व्यक्तींचे अर्ज आरोग्य खात्यात मंजुरीच्या प्रतीक्षेत आहेत. कोविडच्या काळात पारंपरिक व्यवसाय थंडवलेल्या 2 हजार 618 व्यक्तींच्या अर्ज आले असून त्यापैकी 722 अर्जाची पडताळणी पूर्ण झाले असून 120 मंजूर करण्यात आले आहेत. उर्वरित अर्ज पुढील आठवड्यात मंजूर करण्यात येतील. या योजनेवर 100 ते 120 कोटी रुपये अपेक्षित आहेत.

आमचे सरकार अंत्योदय पद्धतीने काम करते. समाजातील खालच्या थरातील व्यक्तींची आर्थिक स्थिती उंचावण्यासाठी राज्य सरकारचे प्रयत्न आहेत. असे सांगत मुख्यमंत्री सावंत यांनी कोविड काळात आरोग्य व्यवस्थेबरोबरच आर्थिक मदत करण्याची घोषणा जाहीर केली होती. त्यांची प्राधान्याने अंमलबजावणी करत आहे. बाहेरचे लोक गोव्यात येऊन चंद्र-तारे तोडून देण्याची भाषा करत आहे त्यांना माहिती आहे.त्यांचे सरकार कधीच येणार नाही. त्यामुळे ते अशा प्रकारच्या घोषणा करत आहे असा टोला नाव न घेता केजरीवाल यांना हाणला.

Edited By - Shivani Tichkule