बल्ख: अफगाणिस्तान पुन्हा एकदा बॉम्बस्फोटांनी हादरला आहे. काल गुरुवारी संध्याकाळी झालेल्या दोन बॉम्बस्फोटात 9 जण ठार तर 12 जण जखमी झाले आहेत. याबद्दल स्थानिक मीडियाने सुरक्षा अधिकाऱ्यांच्या हवाल्याने ही माहिती दिली.
बल्ख प्रांतातील मजार-ए-शरीफ भागात धमाका झाला. टोलो न्यूजनुसार, दोन्ही स्फोटांमध्ये सार्वजनिक वाहतुकीला लक्ष्य करण्यात आले. स्फोटानंतर परिसरात एकच गोंधळ उडाला होता. प्रांतीय आरोग्य अधिकार्‍यांनी दिलेल्या माहितीनुसार, जखमींना तातडीने रुग्णालयात दाखल करण्यात आले तिथे, त्यांच्यावर उपचार सुरू आहेत. तर, या स्फोटांची जबाबदारी आतापर्यंत कोणत्याही संघटनेने स्वीकारलेली नाही. तर, गेल्या गुरुवारी मजार-ए-शरीफ येथे झालेल्या स्फोटात 30 जणांचा मृत्यू झाल्याची माहिती आहे. इस्लामिक स्टेटने या स्फोटाची जबाबदारी स्वीकारली होती.
हे देखील पहा-
अफगाणिस्तानमध्ये 21 एप्रिल रोजी मालिका स्फोट झाले होते. ज्यात किमान 10 लोक जागीच मरण पावले आणि 40 हून अधिक जखमी झाले. मात्र, नंतर मृतांचा आकडा 30 च्या पुढे गेला. रमजानच्या या पवित्र महिन्यात उत्तर मजार-ए-शरीफ येथील साई डोकान मशिदीमध्ये नमाज पढत असताना हा स्फोट झाला होता. त्याचवेळी राजधानी काबूलमध्ये आज सकाळी रस्त्याच्या कडेला झालेल्या स्फोटात दोन मुले जखमी झाली. त्या बॉम्बद्वारे देशातील अल्पसंख्याक शिया समुदायाला लक्ष्य करण्यात आले. स्फोटाची ही घटना काबूलमधील दश्त-ए-बरची भागात घडली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.