Boat Capsized:धक्कादायक! प्रवाशांनी भरलेली बोट नदीत बुडाली, ८६ जणांचा मृत्यू

आफ्रिकन देश काँगोमध्ये एक मोठी बोट दुर्घटना घडली असून यात किमान ८६ जणांचा मृत्यू झाला. ही घटना बासंकुसु परिसरात घडली आणि मृतांमध्ये मोठ्या प्रमाणात विद्यार्थी असल्याचे सांगितले जात आहे. वायव्य भागातील काँगोमधील इक्वेटर प्रांतात ही दुर्घटना झालीय. सरकारी वृत्तसंस्थेनुसार, मोटार बोट उलटल्याने हा अपघात झाला. बोटीत आवश्यकतेपेक्षा जास्त प्रवासी आणि सामान होते. दरम्यान ही बोट रात्रीच्या वेळी प्रवास करत होती.

ऐन नदीच्या मध्य भागी असताना बोटाचं नियंत्रण सुटून तोल बिघडला आणि बोट नदीत उलटली. आतापर्यंत ८६ मृतदेह बाहेर काढण्यात आलेत. अजूनही अनेक लोक बेपत्ता असल्याची माहिती अधिकाऱ्यांनी दिलीय. स्थानिक प्रशासन आणि बचाव पथके घटनास्थळी दाखल झाले असून बेपत्ता लोकांचा शोध घेत आहेत. नदीकाठच्या गावातील लोकही या शोध मोहिमेत मदत करत आहेत. (Congo Boat Accident: 86 Dead After Passenger Vessel Capsizes In Basankusu)

सर्वात दुखदायक बाब म्हणजे मृतांमध्ये बहुतेक विद्यार्थी आहेत. हे विद्यार्थी शहरात शिक्षण घेण्यासाठी जात होते. मृत विद्यार्थ्यांच्या कुटुंबावर दुखाचा डोंगर कोसळला आहे. दरम्यान या अपघातासाठी तेथील वृत्तपत्रांनी नाव चालवणाऱ्या प्रशासनाला दोषी ठरवलंय. रात्रीच्यावेळी नेव्हिगेशन व्यवस्थीत नव्हते. तर बोटीवर जास्त प्रवाशी आणि वस्तू चढवण्यात आल्यानं हा अपघात घडल्याचं तेथील वृत्तांनी म्हटलंय. कॉन्गोमध्ये बोटीचा अपघात होण्याची ही पहिली वेळ नाहीये. याआधीही ओव्हरलोडिंग आणि पुरेसी काळजी न घेतल्यानं अशा घटना आधीही घडल्या आहेत.