Lalu Prasad Yadav on Rahul Gandhi: 'अजूनही वेळ आहे, लग्न कर', लालू प्रसाद यादव यांचा राहुल गांधींना सल्ला

Lalu Prasad Yadav on Rahul Gandhi Marriage: आज देशातील 17 विरोधी पक्षातील नेत्यांची बैठक पाटण्यात पार पडली. या बैठकीनंतर झालेल्या पत्रकार परिषदेत बऱ्याच महिन्यांनंतर राष्ट्रीय जनता दलाचे सर्वेसर्वा लालू प्रसाद यादव दिसेल. यावेळी माध्यमांशी संवाद लालू प्रसाद यादव यांनी काँग्रेस नेते राहुल गांधी यांना मोलाचा सल्ला दिला आहे.

ते म्हणाले आहेत की, अजूनही वेळ आहे. त्यांनी लवकरात लवकर लग्न करावे. लालू यादव म्हणाले की, राहुल गांधींनी लग्न केले तर ते लोक मिरवणूक काढतील. पाटण्यात विरोधी पक्षांच्या बैठकीनंतर लालूंनी संयुक्त पत्रकार परिषदेत राहुल यांना संबोधित करत दाढी वाढवू नका आणि लग्न करा, असे सांगितले.

लालूंनी राहुल गांधींना सांगितले की, तुमची आई (Sonia Gandhi) सांगत होती की, तुम्ही त्यांचं म्हणणं ऐकत नाही. तुम्ही राहुलचं लग्न करून द्या. तुम्ही माझी आज्ञा मानून लग्न करा, असे लालू म्हणाले. लालूंनी असं म्हणताच एकच हशा पिकला. (Latest Marathi News)

या पत्रकार परिषदेत लालू यादव म्हणाले की, ''आता मी पूर्णपणे फिट आहे आणि आता मोदींनाही फिट करायचं आहे.'' मोदीजी अमेरिकेत जाऊन चंदन वाटप करत आहेत, असा टोलाही लालू यादव यांनी लगावला.

हनुमानजी आमच्या पाठीशी आहेत : लालू यादव

लालू यादव म्हणाले की, भाजपने कर्नाटकची निवडणूक हनुमानजींच्या मदतीने लढवली होती, मात्र हनुमानजींनीच त्यांचा पराभव केला. यावेळी लालू गमतीत म्हणाले की, यावेळी हनुमानजी आमच्यासोबत आहेत आणि यावेळी महावीरजी त्यांच्यावर रागावले. लालू म्हणाले की, कर्नाटक निवडणुकीत हनुमानजींनी भाजपवर गदा आणली आहे.