Russia Ukraine War: कीव्ह शहराला वेढा; सॅटेलाइटच्या फोटोमध्ये दिसली युक्रेनची भयानक स्थिती

वृत्तसंस्था: रशिया आणि युक्रेनमध्ये सुरू असलेल्या युद्धाला ५ दिवस पूर्ण झाले आहेत. या ५ दिवसांत रशियन (Russian) फौजांनी युक्रेनवर जोरदार हल्ला चढविला आहे. रशियाच्या हल्ल्यामध्ये युक्रेनचे मोठ्या प्रमाणात नुकसान झाले आहे. रशियन हल्ल्यामध्ये (attack) युक्रेनकडून (Ukraine) जोरदार प्रत्युत्तर दिले जात आहे. युद्ध सुरू असतानाच सॅटेलाइट (satellite) छायाचित्र समोर आले आहे. राजधानी कीव्हमध्ये (Kiev) शिरण्याचा प्रयत्न करणाऱ्या रशियन फौजा यामध्ये दिसून येत आहे.

हे देखील पहा-

सॅटेलाइट फोटोनुसार, युक्रेनच्या सैन्याला रशियाने वेढले असल्याचे दिसून येत आहे. रशियन फौजांची एक तुकडी कीव्हच्या दिशेने उचलबांगडी करत आहे. रविवारी मॅक्सार टेक्नोलॉजीच्या माध्यमातून दिसून आलेल्या सॅटेलाइटमध्ये कमीत- कमी १०० लष्करी (Military) वाहनांचा ताफा दिसून आला आहे. हा लष्करी वाहनांचा ताफा कीव्ह बाहेर असलेल्या एंटोनोव्ह विमानतळाच्या उत्तरेपासून जवळपास २० मैल आणि शहराच्या सीमेपासून ३० मैल दूर अंतरावर आहे. सॅटेलाइट फोटोनुसार, रशियाची लष्करी वाहने जवळपास १७ मैलपर्यंत अंतरापर्यंत होती. सॅटेलाइट फोटोमध्ये या वाहनांचा ताफा पूर्णपणे दिसून आलेला नाही.

रशियन सैनिकांनी युक्रेनच्या अनेक ठिकाणांवर हल्ला करण्यात आला आहे. कीव्हच्या दिशेने ते आगेकूच करत आहेत. रशियन सैन्याच्या वाहनांच्या ताफ्यामध्ये अनेक रणगाडे असून शस्त्रे असलेले ट्रक, आणि लढाऊ वाहने आहेत. हे रशियन लष्कर कीव्हपासून फक्त २५ किलोमीटर दूर अंतरावर आहे. शिवाय, या फोटोमध्ये एक तुटलेला पूल दिसत असून हल्ल्यामध्ये नष्ट झालेली वाहने देखील दिसून येत आहेत.

Edited By- Digambar Jadhav