नवी दिल्ली: देश गेली दोन वर्ष झालं कोरोनाशी लढा देत आहे. सध्या कोरोनावरती मात करण्यासाठी प्रामुख्याने दोन लसी नागरिकांना दिल्या जात आहेत. आता एक आनंदाची बातमी समोर आली आहे. औषध कंपनी Zydus Cadila ने बुधवारी सांगितले की त्यांनी केंद्र सरकारला त्यांच्या कोविड-19 लस ZyCoV-D चा पुरवठा सुरू केला आहे. सरकारने दिलेल्या आदेशानुसार कंपनीने पुरवठा सुरू केला आहे, असे औषध कंपनीने एका निवेदनात म्हटले आहे. लस नागरिकांनी लवकरात लवकर उपलब्ध व्हावी यासाठी कंपनी मार्केटमध्येही लस ठेवणार आहे असे कंपनीकडून सांगण्यात आले आहे.
ZyCoV-D ही तीन डोसची लस आहे. सर्वसामान्य नागरिकांना ही लस 265 रुपयांना मिळणार आहे. त्याचबरोबर अर्जदाराला ही लस 93 रुपयांना मिळणार असल्याचे कंपनीच्या वतीने सागण्यात आले आहे. अहमदाबादमधील या औषध बनवणाऱ्या कंपनीने शिल्पा मेजीकेअर लिमीटेड या कंपनीसोबत करार केला आहे. Zydus Cadila आणि शिल्पा मेडिकेअर मिळून ही लस बनवणार आहे. प्लास्मिड DNA लस बनवण्यासाठी कंपनीने Enzychem Lifesciences या कोरियन कंपनीसोबतही करार केला आहे. ZyCoV-D ही एक प्लास्मिड डीएनए लस आहे जी SARS-CoV-2 विषाणूविरुद्ध लढण्यासाठी स्पाइक प्रोटीन तयार करते आणि मानवी रोगप्रतिकारक शक्ती वाढवते.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.