ओमिक्रॉनच्या पार्श्ववभूमीवर पश्चिम बंगालमध्ये कठोर निर्बंध

कोलकाता - देशात कोरोनाबाधित रुग्णसंख्या दिवसेंदिवस वाढत असल्याचे चित्र दिसून येत आहे. देशाची चिंता या वाढत्या रुग्णसंख्येमुळे अजूनच वाढली आहे. देशात कोरोनाची वाढिती रुग्णसंख्या पाहता पश्चिम बंगाल सरकारने मोठा निर्णय घेतला आहे. पश्चिम बंगाल सरकारने राज्यात कठोर निर्बंध लावण्याचा निर्णय घेतला आहे. याबाबत पश्चिम बंगालचे आरोग्य सचिव एच. के. त्रिवेदी यांनी माहिती दिली आहे.

हे देखील पहा -

शाळा, महाविद्यालय, सलून, ब्युटी पार्लर, स्पा सेंटर, झू, पार्क हे सर्व बंद करण्यात येणार आहे. या निर्णयाची अंमलबजावणी उद्यापासून (३ जानेवारी) करण्यात येणार आहे. तसेच सरकारी आणि खासगी कार्यालये ५० टक्के क्षमतेने सुरू ठेवण्याचा निर्णय यावेळी घेण्यात आला आहे. तर सर्व बैठका ऑनलाइन घेण्याच्या सूचना जरी करण्यात आल्या आहेत.

दरम्यन, भारतात डिसेंबरमध्ये ओमिक्रॉनचा पहिला रुग्ण आढळला होता. त्यानंतर ओमिक्रॉन रुग्णांची संख्या आता १५,२५ वर पोहोचली आहे. महाराष्ट्र, दिल्ली या राज्यांमध्ये ओमिक्रॉनचे सर्वाधिक रुग्ण आहेत. पश्चिम बंगालमध्ये आतापर्यंत ओमिक्रॉनचे २० रुग्ण आढळले असून ४ रुग्ण बरे झाले आहेत.

Edited By - Shivani Tichkule