क्षणात होत्याचं नव्हतं झालं, ३९ जणांचा मृत्यू; चेंगराचेंगरीच्या घटेननंतर थलापती विजयची पहिली पोस्ट, अभिनेता काय म्हणाला?

तामिळनाडूचे अभिनेता आणि राजकारणात नुकतेच सक्रीय झालेले टीव्हिकेचे नेते विजय थलापती यांच्या करूर येथील रॅलीमध्ये मोठी चेंगराचेंगरी झाली. या भीषण चेंगराचेंगरीमध्ये तब्बल ३९ जणांचा मृत्यू झाल्याची माहिती आहे. तर, ७० जणांचा मृत्यू झाल्याची माहिती आहे. विजय थलापती यांनी या घटनेवर एक निवेदन जारी केलं आहे. त्यांनी त्यांच्या अधिकृत सोशल मीडियावर एक पोस्ट शेअर करून आपले दु:ख व्यक्त केलं आहे.

या दुर्घटनेवर विजय थलापती यांनी आपले मौन सोडले आहे. त्यांनी अधिकृत एक्स अकाउंटवर पोस्ट करत लिहिले की, 'खूप दु:ख झाले आहे. मी ज्या वेदना आणि दु:खाचा अनुभव घेत आहे ते समजण्यापलिकडे आहे. करूरमध्ये जीव गमावलेल्या आमच्या प्रिय बंधू आणि बहिणींच्या कुटुंबियांना मी माझ्या मनापासून संवेदना आणि सहानुभूती व्यक्त करतो. जखमींनी लवकर बरे व्हावे, यासाठी मी प्रार्थना करतो'.

मिळालेल्या माहितीनुसार, करूरमध्ये झालेल्या चेंगराचेंगरीत सुमारे ३९ जणांचा मृत्यू झाला आहे. टीव्हिके यांच्या सभेसाठी लाखो लोक उपस्थितीत झाले होते. यावेळी चेंगराचेंगरी झाली. या घटनेची चौकशी सुरू आहे. मृतांचा आकडा वाढण्याची शक्यता आहे. या घटनेत मुलेही जखमी झाली आहेत.

टीव्हिके नेता विजय थलापती भाषण देत असताना लोकांची गर्दी वाढू लागली. हळूहळू अनियंत्रित होत गेली. वाढत्या गर्दीमुळे अनेक मुले आणि इतर जण बेशुद्ध झाले.