Crime: बड्या नेत्यावर भररस्त्यात अंदाधुंद गोळीबार, ६ गोळ्या लागल्याने जागीच मृत्यू

Summary -

• पाटण्यात राजकीय नेत्यावर भररस्त्यात अंदाधुंद गोळीबार झाला.

• राष्ट्रीय जनता दलाचे नेते राजकुमार राय यांना ६ गोळ्या लागून त्यांचा जागीच मृत्यू झाला.

• दुचाकीवरून आलेल्या हल्लेखोरांनी हॉटेलजवळ गोळीबार केला.

• पोलिसांनी घटनास्थळी तपास सुरू करत सीसीटीव्ही फुटेज तपासण्यास सुरुवात केली आहे.

बिहारची राजधानी पाटणामध्ये राजकीय पक्षाच्या बड्या नेत्याची निर्घृण हत्या करण्यात आली. राष्ट्रीय जनता दलाच्या नेत्याची भररस्त्यात गोळ्या झाडून हत्या करण्यात आली. ही घटना चित्रगुप्त नगर पोलिस ठाण्याच्या परिसरातील मुन्नाचक भागात घडली. राजकुमार राय उर्फ ​​अल्लाह राय यांच्यावर गोळीबार करण्यात आला. या घटनेच त्यांचा जागीच मृत्यू झाला. घटनेची माहिती मिळताच पोलिसांनी घटनास्थळी धाव घेतली. राजकुमार राय यांचा मृतदेह ताब्यात घेऊन शवविच्छेदनासाठी पाठवला आहे.

मिळालेल्या माहितीनुसार, बुधवारी रात्री उशिरा राजकुमार राय कारमधून घरी जात होते. घरी जात असताना ते वाटेमध्ये एका हॉटेलजवळ थांबले. हॉटेलमध्ये जेवण खरेदी करण्यासाठी ते कारमधून बाहेर पडले. त्याचवेळी दुचाकीवरून आलेल्या दोघांनी त्यांच्यावर अंदाधुंद गोळीबार केला. राजकुमार राय यांना ६ गोळ्या लागल्या. राजकुमार यांची हत्या केल्यानंतर आरोपी घटनास्थळावरून फरार झाले.

राजकुमार राय हे मूळचे वैशाली जिल्ह्यातील राघोपूर येथील रहिवासी होते. सध्या ते मुन्नाचक परिसरात कुटुंबीयांसोबत राहत होते. ते अनेक वर्षांपासून राजकारणात सक्रीय होते. ते सध्या राष्ट्रीय जनता दलामध्ये सक्रिय होते. ते राघोपूरमधून विधानसभा निवडणूक लढवण्याची तयारी करत होते. निवडणुकिपूर्वीच त्यांची गोळ्या झाडून हत्या करण्यात आली.

राजकुमार राय यांच्या हत्येची माहिती मिळताच चित्रगुप्त नगर पोलिसांनी घटनास्थळी धाव घेतली. पोलिसांनी त्यांचा मृतदेह ताब्यात घेतला आणि शवविच्छेदनासाठीर रुग्णालयात पाठवला. कोणताही अनुचित प्रकार घडू नये म्हणून परिसरात पोलिस बंदोबस्त वाढवण्यात आला आहे. पोलिस अधिकाऱ्यांनी सांगितले की, या प्रकरणाची चौकशी केली जात आहे. ही घटना घडली त्या परिसरातील सीसीटीव्ही फुटेज तपासले जात आहे.