इंदूर: मैत्रीसारख्या पवित्र नात्याला कलंक फासणारे एक प्रकरण मध्य प्रदेशातील इंदूर शहरात घडले आहे. तिथे एक अल्पवयीन विद्यार्थिनी तिच्या ४ मित्रांसह सहलीसाठी गेली होती. तिथे मित्रांनी पीडितेला पेयामध्ये (Cold Drink) मादक पदार्थ मिसळून पिण्यास दिलं आणि नंतर तिच्यावर सामूहिक बलात्कार (Gang Rape) केला.
हे देखील पहा-
माहितीनुसार, २३ ऑगस्ट रोजी १७ वर्षीय महाविद्यालयीन विद्यार्थी आणि सोबत तिचे तीन मित्र आशिष, निपुल आणि रितेश आणि एक मैत्रिणीसह कारमध्ये मांडू Mandu या पर्यटन शहरात गेले होते.
त्या दरम्यान, पिकनिक करून परतत असताना, तिच्या मित्रांपैकी एकाने तिला कोल्ड ड्रिक दिले ज्यात त्याने मादक पदार्थ मिसळेले होते. ते पेय पिल्याने तिला नशेच्या अवस्थेत आरोपींनी तिच्यावर सामूहिक बलात्कार केला आहे. असे म्हटले जात आहे की, त्या तीन तरुणांपैकी एक तरुण त्या मुलीचा प्रियकर होता.
बलात्कार केला अन् रस्त्यावर सोडून गेले पळून;
मुलगी बेशुद्ध अवस्थेत असताना तिन्ही मित्रांनी हॉटेलवर सामूहिक बलात्कार केला. असे होत असताना त्या वेळी पीडितेची एक मैत्रीण देखील तेथे उपस्थित होती. चार नराधमांनी पीडितेला बेशुद्ध अवस्थेत सोडले आणि तेथून पळ काढला.
दुसऱ्या दिवशी बुधवारी, पीडितेने तिच्या कुटुंबासह पोलिस स्टेशनमध्ये चौघांविरोधात गुन्हा दाखल केला, पीडितेने पोलिसांना सांगितले, ती २३ ऑगस्ट रोजी घडलेला सर्व प्रकार तिने पोलिसांना सांगितला. शुद्धीत आल्यावर देखील एक मित्र तिच्यासोबत चुकीच्या गोष्टी करत आहे असे तिला आढळून आले. तसेच तिचे कपडे दूर पडलेले आहेत असे तिच्या लक्षात आहे. या प्रकरणात आरोपींना पोलिस अटक करू शकलेली नाही. त्यांच्या शोधात पोलीस ठिकठिकाणी छापे घालत आहेत.
Edited By-Sanika Gade
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.