Road Accident: तिरुवन्नामलाईमध्ये कार आणि ट्रकची समोरा-समोर धडक; ७ जणांचा जागीच मृत्यू

Road Accident in Chengam:

तमिळनाडूच्या तिरुवन्नामलाईमध्ये आज सकाळी कार आणि ट्रकचा भीषण अपघात झाला. कार आणि ट्रकची समोरा-समोर धडक झाली. ही धडक इतकी भयानक होती की, या अपघातात ७ जणांचा जागीच मृत्यू झाला. दरम्यान अपघातात मृत पावलेले व्यक्ती कोण आहेत कुठले आहेत याची माहिती अद्याप मिळालेली नाही. पण प्राथमिक माहितीनुसार, हे प्रवाशी एका लग्न कार्यक्रमातून परतत होते, त्यावेळी त्यांचा अपघात झाला. (Latest News)

चेंगम पोलीस कर्मचारी या अपघाताचा तपास करत आहेत. पोलिसांनी सर्व मृतदेहांना पोस्टमार्टमसाठी पाठवले आहे. या अपघातात ट्रक चालक वाचला. दरम्यान पोलिसांनी या ट्रक चालकाला ताब्यात घेतलं आहे.

पोलिसांनी दिलेल्या माहितीनुसार, त्यांनी या अपघाताचा तपास सुरू केलाय. या कारचा वेग भरधाव धावत होती. त्या दरम्यान कारने चालकाचं कारवरील नियंत्रण सुटलं. त्यामुळे हा अपघात झाला. दरम्यान अपघाताचं हे प्रमुख कारण आहे, असं म्हणता येणार नसल्याचं पोलिसांनी सांगितलं.