दौसामध्ये अपघातात पोलीस कॉन्स्टेबल संदीप शर्मा यांचा मृत्यू.
पतीच्या मृत्यूमुळे पत्नी राधा शर्मा यांनी आत्महत्येचा प्रयत्न केला.
जयपूरमधील खासगी रुग्णालयात सध्या उपचार सुरू आहेत.
कुटुंबाने सरकारकडे आर्थिक मदतीची मागणी केली आहे.
राजस्थानमधील दौसा येथून एक दुख:द घटना समोर आली आहे. ३ सप्टेंबर रोजी रस्ते अपघातात संदीप शर्मा या पोलीस कॉन्स्टेबलचा मृत्यू झाला होता. शर्मा यांच्या मृत्यूनंतर कुटुंबावर दुखा:चा डोंगर कोसळला. आता या धक्क्यात त्यांच्या पत्नीनं आत्महत्या करण्याचा प्रयत्न केला. सध्या त्यांच्यावर जयपूरच्या खासगी रूग्णालयात उपचार सुरू आहे.
एका कुख्यात गुन्हेगाराला घेऊन जाताना अपघात
संदीप शर्मा एका कुख्यात गुन्हेगाराला पोलीस व्हॅनमध्ये घेऊन जात असताना त्यांचा रस्ते अपघात झाला. या अपघातात त्यांचा जागीच मृत्यू झाला. शर्माच्या कुटुंबाने आरोप केला की, शर्मा यांना आरोग्याच्या कारणास्तव लांब प्रवासात वाहन चालवण्यास नकार दिला होता. परंतु तरीही त्यांना कुख्यात गुन्हेगाराला घेऊन जाण्यास सांगितले.
संदीप यांच्या अपघातात मृत्यू झाल्यानंतर त्यांच्यावर शासकीय इतमामात अंत्यसंस्कार करण्यात आले. त्यानंतर संदीप शर्मा यांची पत्नी राधा शर्मा यांनी आत्महत्या करण्याचा प्रयत्न केला. सुदैवाने त्यांना वाचवण्यात आले. राधा शर्मा यांच्या आत्महत्येच्या प्रयत्नाची बातमी समोर येताच, काँग्रेस आणि भाजपमधील अनेक राजकारणी त्यांना भेटायला गेले.
संदीप यांच्या पश्चात पत्नी राधा शर्मा, ११ आणि ८ वर्षांची दोन मुले आहेत. मुलांच्या सुरक्षित भविष्यासाठी त्यांनी सरकारकडे आर्थिक मदतीची मागणी केली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.