राजस्थान विधानसभा निवडणुकीसाठी भारतीय जनता पक्षाने (भाजप) पहिली यादी जाहीर केली आहे. भाजपने अनेक खासदारांसह 41 उमेदवारांची नावे जाहीर केली आहेत. भाजपने राज्यवर्धन राठोड, बाबा बालकनाथ, किरोरी लाल मीन, दिया कुमारी, देवजी पटेल यांच्यासह अनेक खासदारांना तिकीट देत विधानसभा निवणुकीच्या रिंगणात उतरवलं आहे.
मोदी सरकारमध्ये मंत्री राहिलेले राज्यवर्धन सिंह राठोड यांना झोटवाडा येथून तिकीट देण्यात आले आहे. विद्यानगरमधून दिया कुमारी यांना रिंगणात उतरवण्यात आले आहे. तसेच बाबा बालकनाथ तिजारा विधानसभा मतदारसंघातून निवडणूक लढवणार आहेत. हंसराज मीना यांना सपोत्रा आणि किरोरी लाल मीना यांना सवाई माधोपूरमधून तिकीट देण्यात आले आहे.
जयदीप बिहाणी यांना गंगानगरमधून तिकीट देण्यात आले आहे. संजीव बेनिवाल यांना भद्रा मतदारसंघातून उमेदवारी देण्यात आली आहे. ताराचंद सारस्वत यांना डुंगरगडमधून उमेदवारी देण्यात आली आहे. संतोष मेघवाल यांना सुजानगड (एसी), बबलू चौधरी यांना झुंझुनू येथून तिकीट देण्यात आले आहे. नवलगढमधून विक्रम सिंह जाखल यांना तिकीट देण्यात आले आहे. उदयपुरवतीमधून सुभखरण चौधरी, फतेहपूरमधून श्रावण चौधरी, लक्ष्मणगढमधून सुभाष मेहरिया, दंता रामगडमधून गजानंद कुमावत, कोटपुतलीमधून हंसराज पटेल गुर्जर, दुडू (एसी) प्रेमचंद बैरवा यांना तिकीट देण्यात आले आहे. (Latest Marathi News)
दरम्यान, केंद्रीय निवडणूक आयोगाने पाच राज्यांच्या निवडणुकीची घोषणा केली आहे. यात राजस्थानसह मध्य प्रदेश छत्तीसगड, तेलंगणा आणि मिझोरामचा समावेश आहे. राजस्थानशिवाय मध्य प्रदेश, तेलंगणा आणि मिझोराममध्ये एका टप्प्यात निवडणूक पार पडणार आहे. तर छत्तीसगडमध्ये दोन टप्प्यात निवडणूक पार पडणार.
राजस्थानमध्ये २३ नोव्हेंबर, तसेच मध्य प्रदेशमध्ये १७ नोव्हेंबर, तेलंगणामध्ये ३० नोव्हेंबरला आणि मिझोराममध्ये ७ नोव्हेंबर रोजी मतदान पार पडेल. पाचही राज्यांची एकाच दिवशी म्हणजे ३ डिसेंबर रोजी मतमोजणी पार पडेल.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.