Raja Raghuvanshi Case: ...तरच मी तुझ्यासोबत शरीरसंबंध ठेवेन, सोनमने राजा रघुवंशीसमोर का ठेवली होती अट?

इंदुरच्या राजा रघुवंशी हत्याकांड प्रकरणात दररोज नवनवीन धक्कादायक खुलासे होत आहेत. या हत्याकांड प्रकरणात राजाची बायको सोनम, तिचा प्रियकर राज कुशवाह यांच्यासह ५ जणांना अटक करण्यात आली आहे. आरोपींची सध्या पोलिसांकडून कसून चौकशी सुरू आहे. आरोपींच्या चौकशीतून आणखी एक धक्कादायक माहिती उघड झाली आहे. सोनम रघुवंशीने लग्नानंतर राजाला तिच्या जवळ येण्यापासून रोखले होते. तिने राजाला सांगितले होते की, ती कामाख्या देवीचे दर्शन घेतल्यानंतर आणि पूजा केल्यानंतरच नवीन जीवन सुरू करेल आणि त्यानंतरच ती त्याच्याशी शारीरिक संबंध ठेवेल. चौकशीदरम्यान सोनमने सांगितले की, 'राजाला मेघालयला जाण्यास भाग पाडण्यासाठी मी ही अट घातली होती.

राजा लग्नानंतर लगेच हनिमूनला जाण्यास तयार नव्हता. पण लग्नाआधीच सोनमने तिच बॉयफ्रेंड राजसोबत प्लान केला होता की एखाद्या निर्जन ठिकाणी नेऊन राजाची हत्या करायची. यासाठी सोनमने ईशान्येकडील ठिकाण हनिमूनसाठी निवडले. सोनमने राजाला स्वतःपासून दूर ठेवण्यासाठी आणि तिच्यासोबत येण्यासाठी तो भाग पडावा यासाठी सांगितले होते की, 'मी कामाख्या देवीच्या दर्शनानंतरच आपल्या जोडीदारासोबत नवीन आयुष्य सुरू करेल अशी प्रार्थना केली होती.' पोलिस चौकशीदरम्यान सोनमने कबुल केले की, तिने राजासमोर ही अट ठेवली होती जेणेकरून तो तिच्यासोबत जाण्यास तयार होईल.

११ मे रोजी सोनम आणि राजाचे लग्न झाले. त्यानंतर २० मे रोजी दोघेही हनिमूनसाठी इंदूरहून मेघालयला गेले. दोघेही सर्वात आधी कामाख्या देवीच्या दर्शनासाठी गुवाहाटी पोहोचले. गुवाहाटीमध्येच राजाला मारण्याची योजना होती. पण नंतर सोनमने ती पुढे ढकलली आणि शिलाँगमध्ये त्याची हत्या करण्याचा निर्णय घेतला. यानंतर राजा आणि सोनम शिलाँगमध्ये आल्यानंतर त्यांच्यामागे मारेकरी देखील आले. सोनमने राजाला मारण्यासाठी या ३ शूटर्सला पैसे दिले होते. या तिघांनी सोनमसमोरच राजाची हत्या केली. त्यानंतर सोनम फरार झाली.

तपास करणाऱ्या पोलिस अधिकाऱ्यांच्या म्हणण्यानुसार, सोनमने तीन मारेकऱ्यांसह राजाची हत्या केली आणि त्याचा मृतदेह खड्ड्यात फेकून पळ काढला. त्यानंतर सोनम टॅक्सी, बस आणि ट्रेनमधून मार्ग बदलून इंदूरला पोहोचली. येथे ती राजाने भाड्याने घेतलेल्या घरात अनेक दिवस राहिली. या प्रकरणाचा तपास करताना पोलिसांनी राजाची हत्या केलेल्या शूटर्सला अटक केल्यानंतर सोनम इंदूरहून यूपीतील गाजीपूरला गेली आणि तिच्या अपहरणाची बनावट कथा रचून तिथे आत्मसमर्पण केले.