Amit Shah: अमित शाहांचं हैदराबादमध्ये 'निरमा गर्ल'च्या पोस्टरने स्वागत; नारायण राणेंचंही नाव, पोस्टरची देशभर चर्चा
Political News : केंद्रीय गृहमंत्री आज हैदराबाद दौऱ्यावर आहेत. त्यांच्या या दौऱ्यात एका पोस्टरने सर्वांचच लक्ष वेधलं. विशेष म्हणजे या पोस्टरमध्ये गृहमंत्र्यांचा फोटो कुठेच दिसत नाही. या पोस्टरवर वॉशिंग पावडर निरमा गर्लचा फोटो आहे. अमित शहा आज केंद्रीय औद्योगिक सुरक्षा दलाच्या (CISF) 54 व्या स्थापना दिन कार्यक्रमाला उपस्थित होते.
या पोस्टरवर निरमा गर्लसोबतच इतर पक्षांतून पक्षात दाखल झालेल्या भाजप नेत्यांचीही नावे पोस्टरवर लिहिली आहेत. तेलंगणातील सत्ताधारी भारत राष्ट्र समिती (BRS) ने हे पोस्टर्स लावले आहेत.
पोस्टरमध्ये निरमा मुलीच्या फोटोसह भाजप नेते हिमंता बिस्वा सरमा, नारायण राणे, सुवेंदू अधिकारी, ईश्वरप्पा, ज्योतिरादित्य सिंधिया इत्यादींची नावे आहेत. हे सर्व नेते इतर पक्षांतून भाजपमध्ये दाखल झाले आहेत. पोस्टरवर इंग्रजीत 'वॉशिंग पावडर निरमा' आणि खाली 'वेलकम टू अमित शाह' असे लिहिले आहे.
केंद्रीय गृहमंत्री अमित शहा यांनी रविवारी हैदराबादमध्ये सीआयएसएफच्या 54 व्या स्थापना दिवस परेडला हजेरी लावली. आगामी काळात सीआयएसएफचे आधुनिकीकरण करण्यात येणार असल्याचे केंद्रीय गृहमंत्र्यांनी सांगितले. त्यासाठी तंत्रज्ञानाची मदत घेतली जाणार आहे. यावेळी शाह यांनी कर्तव्याच्या मार्गावर चालताना सीआयएसएफ जवानांच्या बलिदानाचे स्मरण केले.
शनिवारी (11 मार्च) ईडीने तेलंगणाचे मुख्यमंत्री आणि बीआरएस नेते के चंद्रशेखर राव (केसीआर) यांची मुलगी कविता यांची नवी दिल्लीत सुमारे 9 तास चौकशी केली. दिल्ली अबकारी घोटाळा प्रकरणात ईडीने कविता यांची चौकशी केली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.