पटना झारखंड पॅसेंजर ट्रेनला भीषण आग लागली असून अनेक डबे जळून खाक झाले आहे. घटनास्थळी एकच धावपळ उडाली असून आगीवर नियंत्रण मिळवण्याचे शर्थीचे प्रयत्न सुरू आहेत. दरम्यान कोणतीही जीवितनाही झाल्याच अद्यापतरी वृत्त नाही.
मिळालेल्या माहितीनुसार, लखीसराय येथे पटना-झारखंड पॅसेंजर ट्रेनच्या अनेक डब्यांना अचानक आग लागली. त्यामुळे प्रशासनाची तारांबळ उडाली. आग नियंत्रणात आणण्यासाठी कर्मचारी आणि पोलिसांनी धाव घेतली. मात्र तोपर्यंत भागीने रौद्ररूप धारण केलं होतं. यात काही डबे पूर्ण जळून खाक झाले आहेत. शेवटंच वृत्त हाती आलं तोपर्यंत सुदैवाने कोणतीही जीवितहानी झालेली नव्हती.
सोमवारीचं दिल्लीतील सरिता विहार पोलीस स्थानकानजीत ताज एक्स्प्रेसच्या एका डब्याला भीषण आग लागली होती. एकूण 6 अग्निशमन बंब घटनास्थळी तैनात करण्यात आले होते. संध्याकाळी 4.41 वाजता ट्रेनला आग लागल्याचा पीसीआरला फोन आला होता. घटनास्थळी ताज एक्स्प्रेस ट्रेनच्या तीन डब्यांना आग लागल्याचे लक्षात आलं. ट्रेन थांबवण्यात आली आहे. प्रवाशांनी प्रसंगावधान राखून ट्रेनमधून बाहेर पडल्यामुळे मोठा अनर्थ टळला होता.
भायखळा रेल्वे स्थानकांवर अचानक धूरच धूर दिसल्याने प्रवाशांची तारांबळ उडाली होती. धावत्या ठाणे लोकलमधून प्रवाशांनी प्लॅटफॉर्मवर उड्या मारल्याची घटना घडली. सुदैवाने या घटनेत कोनतीही जीवितहानी झालेली नाही. परंतु, रेल्वे स्थानकांवर अचानक इतका धूर कशामुळे आला अद्याप स्पष्ट झालेले नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.