पाकिस्तानच्या मंत्र्याची 'सटकली', पत्रकारांना म्हणाला, तुम्ही भाडेकरू!

इस्लामाबाद: पाकिस्तानातील राजकीय वादळ थांबण्याचे नाव घेत नाही, आणि याच दरम्यान पंतप्रधान (Prime Minister) इम्रान खान यांचे सहकारी फवाद चौधरी यांनी नवा वाद निर्माण केला आहे. फवाद चौधरी यांनी पत्रकारांशी वाद घालत जोरदार हल्ला (Attack) केला आहे. यासोबतच पत्रकार परिषदेच्या दरम्यान त्यांनी पत्रकारांवर पैसे घेतल्याचा आरोप देखील करण्यात आला आहे.

हे देखील पहा-

पत्रकारांना सांगितले की तुम्ही भाड्यावर आहात

पाकिस्तानच्या सुप्रीम कोर्टाबाहेर पत्रकार परिषद सुरू असताना फवाद चौधरी यांचा पत्रकारांशी (reporters) वाद घातला आहे. तुम्ही मोलमजुरी करणारे आहात, असे त्यांनी पत्रकारांनवर टीका केली आहे. फवाद चौधरी इथेच न थांबता त्यांनी पत्रकारांना तुम्ही भाड्याचे पोनी असल्याचे सांगितले आहे.

पत्रकारांनी फवाद चौधरी यांच्या विरोधात घोषणाबाजी

यानंतर पत्रकारांनी गोंधळ सुरू केला आणि फवाद चौधरी यांनाही माफी मागण्यास सांगितले. मात्र, त्यांनी माफी मागण्यास नकार दिला. यानंतर पत्रकारांनी पत्रकार परिषदेवर बहिष्कार (Boycott) टाकला आहे. यावेळी फवाद चौधरी बरोबर पाकिस्तान तेहरीक-ए-इन्साफ पक्षाचा (पीटीआय) आणखी एक नेता होता.

फवाद चौधरी पत्रकारांवर का चिडले?

पत्रकार परिषदेच्या दरम्यान पत्रकारांनी फवाद चौधरीला फराह खान देशातून कशी पळाली असा प्रश्न विचारला होता. त्यानंतर ते संतापले होते. फराह खान पाकिस्तानचे पंतप्रधान इम्रान खान यांची तिसरी पत्नी बुशरा बीबीची जवळची मैत्रीण आहे. ती देश सोडून पळून गेली आहे. फराह खान ९० हजार डॉलर घेऊन पळून गेल्याचे सांगण्यात येत आहे आणि विमानात बसल्याचा फोटो देखील व्हायरल झाला आहे.

Edited By- Digambar Jadhav