Pakistan Blast : पाकिस्तानात निवडणुकीआधीच बॉम्बस्फोट; २६ जणांचा मृत्यू, मृतांचा आकडा वाढण्याची भीती

Pakistan Blast News:

पाकिस्तानात निवडणुकीआधीच मोठा बॉम्बस्फोट झाल्याची घटना घडली आहे. पाकिस्तानात निवडणुकीच्या मतदानाआधीच दोन ठिकाणी बॉम्बस्फोट झाला आहे. या स्फोटात ठिकाणी २६ जणांचा मृत्यू झाल्याची माहिती समोर आली आहे. बलुचिस्थानमधील दोन वेगवेगळ्या ठिकाणी हा स्फोट झाला आहे. या घटनेने परिसरात खळबळ उडाली आहे. (Latest Marathi News)

मीडिया रिपोर्टनुसार, पाकिस्तानात पहिला स्फोट बलुचिस्थानमधील पशीन प्रातांत झाला. या हल्ल्यात कमीत कमी १४ जणांचा मृत्यू झाला. या घटनेतील जखमींना उपचारासाठी रुग्णालयात दाखल करण्यात आलं आहे. या घटनेतील काही जणाची प्रकृती चिंताजनक आहे. तर दुसरा स्फोट हा सैफुल्लाह शहरात झाला आहे. एका पक्षाच्या कार्यालयासमोर हा स्फोट झाला. या स्फोटात कमीत कमी १० लोकांचा मृत्यू झाला आहे. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

हल्ल्याची जबाबदारी कोणीही घेतली नाही

पाकिस्तानात निवडणुकीच्या एक दिवसआधीच बॉम्बस्फोट झाला आहे. देशातील दोन ठिकाणी स्फोट झाला आहे. या हल्ल्याची जबाबदारी अद्याप कोणीही घेतलेली नाही. या हल्ल्याचा कार्यवाहक मंत्री गौहर इजाज यांनी निषेध नोंदवला आहे. बलुचिस्थानमध्ये हजारो पोलीस आणि सैनिकांना तैनात करूनही स्फोट झाल्याचे समोर आले आहे.

बलुचिस्थानमध्ये तालिबानचं वर्चस्व

अफगाणिस्तान आणि इराणच्या सीमेवरवरील बलुचिस्थान इतर देशातील लोकांची येजा वाढत असल्याचे सांगण्यात येत आहे. बलुचमधील फुटीरतावादी लोक या प्रातांचा हिस्सा मागत आहेत. पाकिस्तानी तालीबानी आणि अन्य दहशतवाही समूहांचं या प्रातांत वर्चस्व आहे.

पाकिस्तानात ८ फेब्रुवारीला मतदान

पाकिस्तानात नवे सरकार निवडण्यासाठी येत्या ८ फेब्रुवारीला निवडणूक होणार आहे. पाकिस्तानमध्ये माजी पंतप्रधान नवाझ शरीफ देखील निवडणुकीच्या रिंगणात उतरले आहेत. तर दुसरीकडे या निवडणुकीतून इम्रान खान हे बाहेर पडल आहेत. इम्रान खान सध्या भ्रष्टाचाराच्या आरोपाखाली तुरुंगात शिक्षा भोगत आहेत.