Pakistan Bus Accident: पाकिस्तानमधून एक भीषण बस अपघाताची घटना समोर आली आहे. पाकिस्तानातील पंजाबमधील पिंडी भटियानजवळ ही दुर्घटना झाली. ज्यामध्ये बसला लागलेल्या आगीत २० जणांचा मृत्यू झाला असून 11 जण जखमी झाले आहेत. सध्या अपघातस्थळी बचावकार्य सुरू आहे...
याबाबत पाकिस्तानी वृत्तसंस्थानी दिलेल्या माहितीनुसार 35 ते 40 प्रवाशांना घेऊन ही बस कराचीहून इस्लामाबादला जात होती. पंजाबमधील पिंडी भटियानजवळ ही भरधाव बसच डिझेलचे ड्रम वाहून नेणाऱ्या पिकअप व्हॅनला धडकली या अपघातानंतर बसने पेट घेतला. या आगीने बसमधील प्रवाशांचा एकच गोंधळ उडाला.
स्थानिकांनी तात्काळ धाव घेत खिडक्या तोडून प्रवाशांना बसमधून बाहेर काढण्याचा प्रयत्न केला. मात्र २० पेक्षा अधिक प्रवाशांचा या दुर्घटनेत होरपळून मृत्यू झाला तर अनेक जण जखमी झाले आहेत. दुर्घटनेत दोन्ही वाहनांचे चालकही ठार झाले.
ही आग इतकी भीषण होती की बस जळून खाक झाली. या भीषण आगीत जखमी झालेल्या प्रवाशांवर सध्या उपचार सुरू असून अनेकांची प्रकृती गंभीर असल्याचे सांगण्यात येत आहे. पोलीस या अपघाताचा अधिक तपास करत आहेत. दरम्यान, काही दिवसांपूर्वीच पाकिस्तानमध्ये भीषण रेल्वे अपघात झाला होता. त्यानंतर या बस अपघाताने पाकिस्तान हादरुन केले आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.