Spacecraft: अमेरिका आणि रशियाची अंतराळ झेप; तीन अंतराळवीर स्पेस स्टेशन गाठणार

International Space Station News:

कझाकस्तानमधील बायकोनूर कॉस्मोड्रोम येथून अंतराळवीरांची एक नवीन टीम शुक्रवारी आंतरराष्ट्रीय अंतराळ स्थानकाकडे रवाना झाली आहे. नासा अंतराळवीर लोरल ओ'हारा आणि रशियन अंतराळवीर ओलेग कोनोनेन्को आणि निकोलाई चब यांचा यात समावेश आहे.

आंतरराष्ट्रीय मीडिया रिपोर्ट्सनुसार, नासाचे अंतराळवीर लोरल ओ'हारा आणि रोसकॉसमॉस कॉस्मोनॉट ओलेग कोनोनेन्को आणि निकोलाई चब यांनी स्थानिक वेळेनुसार रात्री 8.44 वाजता रॉसकॉसमॉस सोयुझ MS-24 अंतराळयानातून उड्डाण केले. अंतराळात ओ'हारा आयएसएसवर सहा महिने राहणार आहे, तर कोनोनेन्को आणि चुब तेथे एक वर्ष राहणार आहेत.  (Latest Marathi News)

ओ'हारा आणि चुब यांनी यापूर्वी कधीही अंतराळात उड्डाण केले नव्हते. हे दोघे अनुभवी अंतराळवीर आणि मिशन कमांडर कोनोनेन्को यांच्यासोबत अवकाशयानात आहेत. कोनोनेन्को याआधी चार वेळा अवकाशात गेले आहेत.

तीन तासांच्या उड्डाणानंतर तिघेही आंतरराष्ट्रीय अंतराळ स्थानकावर पोहोचतील. जेव्हा ते आंतरराष्ट्रीय अंतराळ स्थानकावर पोहोचतील तेव्हा त्यांचे मॉड्यूल डॉक होईल आणि जेव्हा हॅच उघडतील तेव्हा ते युनायटेड स्टेट्स, रशिया, डेन्मार्क आणि जपानमधील सात अंतराळवीरांना भेटतील.