Currency Note Press Strike : देभरात नोटांचा तुटवडा पडणार, नेमकं काय आहे कारण? समोर आली महत्त्वाची माहिती

देशभरातील करन्सी नोट प्रेस आणि इंडिया सिक्युरिटी प्रेसमधील कामगार विविध मागण्यांसाठी ३१ जुलै रोजी संपावर जाणार असल्याची बातमी समोर आले आहे. यामुळे देशभरात चलनी नोटांसह पासपोर्ट, मुद्रांक आणि निवडणूक सामग्रीचा देखील तुटवडा निर्माण होण्याची शक्यता आहे.

येत्या ३१ जुलै रोजी नाशिकच्या करन्सी नोट प्रेस आणि इंडिया सिक्युरिटी प्रेससह देशातील ९ करन्सी युनिट्स आणि सिक्युरिटी प्रेसमधील कामगारांनी संपाचा इशारा दिला आहे. दिवाळी बोनस, मयत कामगारांच्या वारसांना नोकरीवर घेणं, भरती प्रक्रियेतील गैरप्रकारांना आळा घालावा, मेडिकल सुविधा यासह अन्य मागण्यांसाठी कामगारांनी संपाचा इशारा दिला आहे.

अशी माहिती इंडिया सिक्युरिटी प्रेस मजदूर संघाचे जनरल सेक्रेटरी जगदीश गोडसे यांनी दिली. दरम्यान इंडिया सिक्युरिटी प्रेस संपावर गेल्यास मोठ्या प्रमाणावर चलनी नोटांसह पासपोर्ट, मुद्रांक आणि निवडणूक सामग्रीचा देखील तुटवडा निर्माण होण्याची शक्यता इंडिया सिक्युरिटी प्रेसने वर्तवली आहे. दरम्यान सरकार कामगारांच्या मागण्यांची पूर्तता करणार का हे पाहणं महत्त्वाचं ठरेल.