Viral News : देने वाला जब भी देता...! तासभर पडला पैशांचा पाऊस, लोकांची उडाली झुंबड; अनेकांनी नोटा टाकल्या खिशात

उत्तर प्रदेशच्या हमीरपूरमध्ये एक भन्नाट घटना घडली. हमीदपूरमध्ये एका माकडाने झाडावर बसून पैशांचा पाऊस पाडला. या माकडाने झाडावर बसत एका दुकानदाराचे ११ हजार रुपये जमिनीवर फेकले. त्यानंतर पैसे गोळा करण्यासाठी लोकांची एकच झुंबड उडाली. हमीरपूरच्या मौदेहा कोतवाली पोलीस स्टेशनच्या हद्दीत ही घटना घडली.

मीडिया रिपोर्टनुसार, हमीरपूरच्या मराठीपूरमध्ये राहणारे बाल गोपाल हे पूजेचं साहित्य विक्री करण्याचं काम करतात. त्यांच्या दुकानाभोवती माकडे फिरत असतात. त्यातील एका माकडाने बाल गोपाल यांची पैशांची बॅग पळवली. त्या बॅगेत एकूण १० हजार ८०० रुपये होते. बॅग पळवल्यानंतर माकड थेट झाडावर पोहोचला. झाडावर बसलेल्या माकडाने बॅगेतील पैसे जमिनीवर फेकले. माकडाने पैसे फेकल्यानंतर लोकांची एकच झुंबड उडाली.

माकडाने झाडावरून पैसे फेकल्यानंतर लोकांनी गैरफायदा घेत खिशात नोटा टाकल्या. जितके पैसे मिळेल, तितके पैसे लोकांनी उचलले. काही लोक माकडाला पैसे फेकताना पाहण्यात दंग राहिले. काहींनी माकडाने फेकलेले पैसे उचलून दुकानदाराला दिले. या घटनेची गावात एकच चर्चा झाली. माकडाच्या कृत्यानंतर पोलीसही घटनास्थळी पोहोचले. माकड तासभर झाडावरून पैसे फेकत होता.

काही लोकांनी संधीचा गैरफायदा उचलला. माकडाने पैसे फेकल्यानंतर काही लोकांनी पैसे घेऊन पळ काढला. यात दुकानदाराचं आर्थिक नुकसान झालं. त्यामुळे दुकानदाराला रडू कोसळलं. काही लोकांनी दुकानदाराची मदत केली. मात्र, बहुतांश लोक दुकानदाराचे पैसे घेऊन फरार झाले. या दुकानदाराला फक्त ६ हजार रुपये परत मिळाले.