Ghaziabad Crime : गाझियाबादच्या विजयनगर पोलीस स्टेशन परिसरात 32 वर्षीय विवाहित महिलेची तिच्या प्रियकराने गोळ्या झाडून हत्या केली आहे. महिलेला गंभीर अवस्थेत उपचारासाठी एमएमजी रुग्णालयात दाखल करण्यात आले. त्यानंतर तिला दिल्लीतील जीटीबी रुग्णालयात दाखल करण्यात आले. महिलेवर गोळीबार केल्याची घटना सीसीटीव्हीमध्ये कैद झाली असून, त्यात आरोपी पळताना दिसत आहे. (Latest Marathi News)
पोलिसांनी (Police) आरोपीचा शोध सुरू केला आहे. ही घटना गोशाळा चौकी परिसरात घडली आहे. ही घटना काल (२८ मार्च) सायंकाळी साडेपाचच्या सुमारास घडली आहे. प्रियकर त्याच्या एका साथीदारासह महिलेला भेटायला गेला. यानंतर महिलेवर गोळी झाडून तिथून फरार झाला. ही घटना जवळच लावलेल्या सीसीटीव्ही (CCTV) कॅमेऱ्यात कैद झाली आहे. (Crime News)
जखमी महिलेलने पोलिसांना दिलेल्या माहितीनुसार, आरोपी तिच्या ओळखीचा होता. एका लग्न समारंभात स्वयंपाकाच्या कामादरम्यान दोघांची भेट झाली. यानंतर दोघांचे प्रेमप्रकरण सुरू झाले. मात्र, काही भेटीनंतर तिने तिच्या प्रियकराला भेटणे बंद केले.
मात्र, आरोपीने सतत महिलेचा पाठलाग करत तिला फोन करण्यासाठी त्रास देत होता. मंगळवारी (२८ मार्च) आरोपीने तिला भेटण्यासाठी बोलावले आणि तिच्यावर गोळी झाडली.
महिलेला उपचारासाठी रुग्णालयात दाखल करण्यात आले आहे. आरोपींना पकडण्यासाठी पोलिसांनी एक पथक तयार केले आहे. लवकरच आरोपींना अटक करण्यात येईल, असे पोलिसांचे म्हणणे आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
