Opposition Meeting : देशातील 26 विरोधी पक्षांची महत्वपूर्ण बैठक आज बंगळुरु येथे पार पडली. या बैठकीत विरोधी पक्षांच्या या एकजुटीला INDIA म्हणजेच "इंडियन नेशनल डेमोक्रेटिक इंक्लूसिव एलायंस" असं नावही दिलं.
विरोधी पक्षांच्या बैठकीनंतर झालेल्या पत्रकार परिषदेत बोलताना काँग्रेसचे राष्ट्रीय अध्यक्ष मल्लिकार्जुन खरगे यांनी राष्ट्रवादीचे अध्यक्ष शरद पवार आणि शिवसेना ठाकरे गटाचे पक्षप्रमुख उद्धव ठाकरे यांचं कौतुक केलं. शरद पवार आणि उद्धव ठाकरे लोकप्रिय नेते असल्याचं खरगे यांनी म्हटलं.
विरोधकांच्या एकीमुळे प्रादेशिक पक्षांना धोका निर्माण होत आहे. महाराष्ट्रात राष्ट्रवादी काँग्रेस आणि शिवसेनेसोबत काय झालं हे सर्वासमोर आहे. इतर पक्षांनाही असाच धोका आहे. या सर्व पक्षांना तुम्ही एकत्र कसं ठेवाल? पत्रकारांच्या या प्रश्नावर बोलताना मल्लिकार्जुन खरगे यांनी म्हटलं की, शरद पवार मोठे नेते आहे. लोकप्रिय नेते आहेत. ते आमच्यासोबत आहे.
उद्धव ठाकरेदेखील लोकप्रिय नेते आहे. लोक त्यांच्यासोबत आहेत. आमदार जिंकतात आणि येतात हे महत्ताचं नाही. असे आमदार बनवणारे नेते आमच्यासोबत आहेत, असंही खरगे यांनी म्हटलं. (Latest Marathi News
एनडीएच्या बैठकीवर टीका करताना खरगे म्हणाले की, मोदींनी एनडीएची 30 पक्षांची बैठक बोलावली आहे. इतके पक्ष नोंदणीकृत आहेत की नाही हे मला माहीत नाही. आधी त्यांना मित्रपक्षांची पर्वा नव्हती, आता त्यांचे अध्यक्ष प्रत्येक राज्यात फिरत आहेत. त्यांच्या युतीचे तुकडे झाले होते जे मोदी एकत्र करत आहेत. विरोधकांच्या ऐक्याला पंतप्रधान मोदी घाबरले आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.