विहंग ठाकूर
लखीमपूर : लखीमपूर खेरीत घडलेल्या हिंसाचार प्रकरणी दोघांना अटक करण्यात आल्याचं वृत्त समोर येत आहे. वृत्तसंस्थेनुसार, या प्रकरणी दोन व्यक्तींना अटक करण्यात आल्याची माहिती पोलिसांनी दिली आहे. तर अटक करण्यात आलेल्यांची नावे लवकुश राणा आणि आशिष पांडे अशी आहेत.
लखीमपूर येथे भाजपच्या BJP वतीने त्या ठिकाणी एक कार्यक्रमाचे आयोजन करण्यात आले होते. यावेळी तेथील काही शेतकरी भाजपच्या नेत्यांचा विरोध करण्यासाठी काळे झेंडे घेऊन लखीमपूर खेरी येथे जमले होते. मात्र शेकऱ्यांवर गाडी घालून त्यांना चिरडण्याचा प्रकार या ठिकाणी घडला होता. या दुष्कृत्याचा व्हिडीओ फार मोठ्या प्रमाणात सोशल मीडियावर व्हायरल झाला होता.
तसेच झालेल्या या प्रकरणामुळे योगी सरकारवर टीका करण्यात येत आहे. या संपूर्ण प्रकरणात चार (4) शेतकऱ्यांचा मृत्यू झाला होता. तसेच यानंतर झालेल्या हिंसाचारात आणखी चार सरकारी कर्मचारी मृत पावले होते. तसेच एका पत्रकाराचा मृत्यू झाल्याचे वृत्त समोर आले होते.
Edited By-Sanika Gade
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
