Karnataka Accident : देवदर्शनावरुन परतताना भाविकांवर काळाचा घाला, अपघातात ७ जणांचा मृत्यू

Karanataka Accident :

कर्नाटकातील विजयनगरमध्ये विचित्र रस्ते अपघातात ७ जणांचा दुर्दैवी मृत्यू झाला. विजयनगरमधील होसपेटजवळ तीन वाहनांची धडक जोरदार झाली. खाणकामातील दोन टिप्पर लॉरी आणि क्रूझर कार यांच्यात ही भीषण टक्कर झाली.

मिळालेल्या माहितीनुसार, क्रूझरमध्ये १३ जण प्रवास करत होते. या अपघातात ७ जणांचा मृत्यू झाला आहे. जखमींना जवळच्या रुग्णालयात दाखल करण्यात आले आहे. (Latest Marathi News)

हॉसपेट शहराच्या बाहेरील मरियमनहल्ली पोलीस स्टेशनजवळ ही घटना घडली. लॉरीचा एक्सल तुटल्याने हा अपघात झाल्याची प्राथमिक माहिती आहे. हॉसपेट येथील रहिवासी बसवेश्वर मंदिरात दर्शनासाठी गेले होते. दर्शन घेऊन परतत असताना हा अपघात झाला.

विजयनगरचे एसपी श्रीहरी बाबू यांनी म्हटलं की, होसपेटजवळ झालेल्या अपघातात सात जणांचा मृत्यू झाला आहे. टिप्पर आणि क्रूझर यांच्यात हा अपघात झाला. क्रूझरमध्ये 13 प्रवासी प्रवास करत होते. जखमींची प्रकृती सध्या चिंताजनक आहे. जखमींना शासकीय रुग्णालयात दाखल करण्यात आले आहे.