जम्मू-काश्मीरच्या कुलगाममध्ये लष्कराची मोठी कारवाई; २ दहशतवाद्यांनी केले आत्मसमर्पण

जम्मू-काश्मीर: जम्मू-काश्मीरच्या कुलगाममध्ये दहशतवाद्यांसोबत लष्कराची (Army) चकमक सुरू झाली आहे. घटनास्थळी दोन ते तीन दहशतवाद्यांना घेरले असून, संपूर्ण परिसरात शोधमोहीम सुरू असल्याची माहिती मिळत आहे. कुलगामच्या हदीगाम भागात दहशतवादी लपून बसल्याची माहिती लष्कराला मिळाली होती. लष्करांनी शोधमोहीम दरम्यान, दहशतवाद्यांनी गोळीबार सुरू केला. (Jammu Kashmir)

या चकमकी दरम्यान दोन दहशतवाद्यांनी आत्मसमर्पण केल्याची माहिती मिळत आहे.

दहशतवादी आणि लष्करांमध्ये (Army) गोळीबार सुरू आहे. दहशतवादी पळून जाऊ नये यासाठी लष्करांनी दहशतवाद्यांना घेरले आहे. दहशतवादी कोणत्या संघटनेचे आहेत, हे अद्याप स्पष्ट झालेले नाही, मात्र त्यांच्याकडून आणखी गुपिते उघड होतील म्हणून लष्कर त्यांना जिवंत पकडण्याचा प्रयत्न करत आहेत.

गेल्या महिन्यात २९ जून रोजी कुलगाममध्ये सुरक्षा दलांनी दोन दहशतवाद्यांचा खात्मा केला होता. त्यावेळी अमरनाथ यात्रेच्या मार्गापासून अवघ्या काही किलोमीटर अंतरावर लष्कराची दहशतवाद्यांशी चकमक झाली होती.

गेल्या काही दिवसांत लष्कराने अनेक दहशतवाद्यांचा खात्मा केला आहे. काश्मीरच्या खोऱ्यात पुन्हा पंडीतांना लक्ष करण्यात येत आहे. तेव्हापासून लष्करही दहशतवाद्यांना चोख प्रत्युत्तर देत आहे.