Israel Palestine Conflict : गाझामध्ये इस्रायलच्या हवाई हल्ला; १००हून अधिक लोकांचा मृत्यू

Israel Palestine Conflict Airstrikes in Gaza:

इस्रायल आणि हमासमधील युद्ध अजून चालू आहे. हमासकडून युद्ध विरामाचा प्रस्तावाला इस्रायलने नकार दिलाय. इस्रायलकडून गाझा पट्टीत हवाई हल्ला करण्यात येत असून यात ५० ते १०० जणांचा मृत्यू झाला आहे. ओलिसांच्या सुटकेसाठी इस्रायलकडून हल्ला करण्यात येत असल्याची माहिती दक्षिण गाझा शहरातील रफाह येथील रुग्णालयातील अधिकाऱ्यांनी दिलीय.(Latest News)

मृतांमध्ये महिला आणि मुलांचा समावेश असल्याची माहिती अबू युसूफ अल-नज्जर रुग्णालयाचे संचालक डॉ. मारवान अल-हम्स यांनी दिलीय. तर इस्त्रायली सैन्याने दिलेल्या माहितीनुसार, त्यांनी छापेमारीनंतर या भागात हवाई हल्ले केले. तेथे ठेवलेले २ ओलीस व्यक्तींना सोडवण्यात आले.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दोन दिवसाआधी दक्षिण गाझा शहरावर हल्ले वाढवण्याचे सांगितल्यानंतर गाझा पट्टीतील रफाह येथे इस्रायली हवाई हल्ल्यात १३ लोक मारले गेले होते. अमेरिकेचे राष्ट्राध्यक्ष जो बिडेन यांनी गाझामधील इस्रायलच्या लष्करी कारवाईचे वर्णन 'अविश्वसनीय' असे केले होते.