अमेरिकेतून एक थरारक घटना समोर आली आहे. भारतीय वंशाच्या एका कुटुंबातील ४ जणांचा कॅलिफोर्नियामध्ये राहत्या घरी मृतदेह आढळून आला आहे. पोलिसांनी या सर्वांचे मृतदेह ताब्यात घेतले असून तपास सुरू केलाय. दरम्यान पोलीस तपासात अनेक गोष्टी समोर आल्या आहेत.
पोलिसांनी दिलेल्या माहितीनुसार, आनंद सुजीथ हेन्री, त्यांची पत्नी ॲलिस प्रियांका आणि त्यांची चार वर्षांची दोन जुळी मुलं, अशी मृतांची ओळख त्यांच्या मित्र परिवाराकडून पटली आहे. सदर घटना १२ फ्रेब्रुवारी रोजी सॅन माटेओ येथे घडली. सदर कुटुंबीय केरळहून आले होते, असंही पोलिसांनी सांगितलं आहे.
राहत्या घरात ४ मृतदेह
पोलिसांना घटनेची माहिती मिळताच त्यांनी तात्काळ घटनास्थळी धाव घेतली. पोलिसांनी घरात प्रवेश केल्यावर तपास केला तेव्हा अन्य कोणतीही व्यक्ती जबरदस्तीने घरात आली असावी असे जाणवले नाही. मात्र बाथरूममध्ये पोलिसांना एक पिस्तुल सापडले.
हत्या की आत्महत्या
पोलीस तपासात समोर आलेल्या माहितीनुसार, कौटुंबीक वादातून ही घटना घडली असावी असं म्हटलं जात आहे. साल २०१६ मध्ये या जोडप्याने घटस्फोटासाठी याचिका दाखल केली होती. मात्र नंतर त्यावर कोणतीही कारवाई झाली नाही.
त्यामुळे पतीने पत्नीवर गोळ्या झाडल्यानंतर स्वत: आत्महत्या केली असावी असा अंदाज वर्तवला जतोय. मात्र दोन मुलांचा मृत्यू नेमका कसा झाला याचा तपास पोलीस अद्याप करत आहेत.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.