horrific accident : स्वातंत्र्य दिनाच्या कार्यक्रमात दुर्घटना; शाळेचं छत कोसळलं, एका मुलीचा मृत्यू

राजस्थानच्या बंदी आणि उदयपूर जिल्ह्यात दुर्घटना घडली आहे. बूंदीमध्ये स्वातंत्र्य दिनाच्या कार्यक्रमात दुर्घटना घडली. शाळेचं छत कोसळून विद्यार्थी जखमी झाले. तर उदयपूरमध्ये एका मुलीचा मृत्यू झाल्याची घटना घडली आहे.

मिळालेल्या माहितीनुसार, स्वातंत्र्य दिनाचा सोहळा सुरु असतानाच बूंदीमध्ये दुर्घटना घडली. विद्यार्थी शाळेच्या आवारात होते. बूंदी शहरातील खासगी शाळेत स्वातंत्र्य दिनानिमित्त आयोजित सोहळ्यात ऑडिटोरियमचा फॉल्स सीलिंग कोसळून ५ विद्यार्थी जखमी झाले.

जखमींमध्ये एक मुलगा आणि ४ मुलींचा समावेश आहे. दुर्घटना घडल्यानंतर तातडीने जखमी विद्यार्थ्यांना रुग्णालयात दाखल केले. शाळेत स्वातंत्र्य दिनानिमित्त कार्यक्रम सुरु असताना सिलिंग फॉल कोसळल्याची माहिती मिळत आहे.

उदयपूरमध्ये शाळेचं छत कोसळलं

राजस्थानच्या उदयपूरमध्ये कोटडा तालुक्यातील पाठूनबाडी गावात निर्माणीन शाळेचं छत कोसळून एका मुलीचा मृत्यू झाला. तर एक विद्यार्थी गंभीर जखमी झाला. दोन्ही मुली बकरी चरण्यासाठी निर्माणाधीन शाळेत घेऊन आल्या होत्या. ही घटना उदयपूरच्या पीएमश्री शाळेच्या निर्माणाधीन भवनात घडली.

बंदी शहारातील घटनेत ५ जखमी

बंदी शहरातील चित्तौड रोडवरील पॉल सिनियर सेकेंडरी शाळेत दुर्घटना घडली. या शाळेत एकूण ३५० विद्यार्थी होते. तसेच शिक्षक आणि शिक्षकेतर कर्मचारी होते. शिक्षण अधिकाऱ्यांनी या दुर्घटनेत ५ विद्यार्थी जखमी झाले आहेत. त्यांना बूंदी जिल्हा रुग्णालयात नेण्यात आल्याची माहिती दिली आहे. तसेच एका विद्यार्थिनीला डोक्यात दोन टाके पडले आहेत. सर्व पाच विद्यार्थ्यांना उपचारानंतर घरी सोडलं आहे.