IMD Cold Alert: देशातील या राज्यात तापमान पोहोचलं शून्य अंशापर्यंत, तज्ज्ञांनी व्यक्त केली चिंता

IMD Cold Alert

देशातील अनेक भागात कडाक्याच्या थंडीमुळे लोक हैराण झाले आहेत. दक्षिण भारतातील राज्यांमध्ये सागरी क्षेत्र असल्याने थंडीची तीव्रता कमी असते, मात्र काही डोंगराळ भागात थंडीचा प्रभाव दिसून येत आहे. यंदा हवामानात मोठा बदल झाला असून तामिळनाडूच्या अनेक भागात तापमान शून्यावर पोहोचलं आहे. उधगमंडलमच्या कंथाल आणि थलाईकुंठा येथे तापमान 1 अंश सेल्सिअस नोंदवले गेले आहे. तर बोटॅनिकल गार्डनमध्ये पारा २ अंश सेल्सिअसवर नोंदवण्यात आला आहे. तर संदीनल्लाह येथे ३ अंश सेल्सिअसची नोंद झाली आहे.

तामिळनाडूच्या डोंगराळ जिल्ह्यांमध्ये तापमानातील घसरणीमुळे नागरिकांना कडाक्याच्या थंडीचा सामना करावा लागत आहे. वातावरणातील बदलामुळे होणार्‍या बदलांमुळे लोक त्रस्त झाले आहेत. त्याचा परिणाम शेतीवर झाला आहे. हिरवीगार जंगलं धुक्याने झाकली आहेत. दाट धुक्यामुळे दृश्यमानतेवर परिणाम झाला आहे. स्थानिक लोकांच्या मते इतकी थंडी कधीही जाणवली नव्हती. कधी न दिसणाऱ्या ठिकाणीही लोक शेकोट्या पेटवून थंडीपासून बचाव करताना दिसत आहेत. दरम्यान अवेळी आणि कडाक्याच्या थंडीमुळे पर्यावरण तज्ज्ञांनीही चिंता व्यक्त केली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)