Crop Varieties: शेतकरी होणार मालमाल; अधिक उत्पादन देणाऱ्या ६१ पिकांच्या १०९ जाती ICAR कडून विकसित

देशातील शेतकऱ्यांसाठी एक आनंदाची बातमी आहे. भारतीय कृषी संशोधन परिषदेने (आयसीएआर) ६१ पिकांच्या अधिक उत्पन्न देणाऱ्या १०९ जाती विकसित केल्या आहेत. या पिकांचे वाण अधिक उत्पन्न देणारे, बदलत्या हवामानास अधिक अनुकूल आणि बायो-फोर्टिफाइड आहेत. पंतप्रधान नरेंद्र मोदींनी रविवारी या बियाणाचे वाण देशाला अर्पण केले. आयसीएआरकडून विकसित करण्यात आलेले हे वाण हे बियाणे कृषी आणि बागायती पिकांसाठी महत्त्वाचे आहेत.

पंतप्रधान नरेंद्र मोदींनी ६१ पिकांच्या १०९ जातींचे प्रकाशन केले. यात ३४ कृषी पिके आणि २७ बागायती पिकांचा समावेश आहे. लागवड केलेल्या पिकांमध्ये बाजरी, चारा पिके, तेलबिया, कडधान्ये, ऊस, कापूस, फायबर आणि इतर संभाव्य पिकांसह विविध तृणधान्यांचे बियाणांचा समावेश आहे. बागायती पिकांमध्ये विविध प्रकारची फळे, भाजीपाला, लागवड पिके, कंद पिके, मसाले, फुले व औषधी पिकांचे वाण तयार करण्यात आली आहेत.

यावेळी बोलतांना केंद्रीय कृषी आणि शेतकरी कल्याणमंत्री शिवराजसिंह चौहान म्हणाले, शेतकऱ्यांसाठी ६१ पिकांच्या १०९ जातींचे बियाणे जारी करण्यात आलेत. यामुळे शेतकऱ्यांचे उत्पन्न वाढण्यास, उत्पादनात वाढ आणि खर्च कमी होण्यास मदत होणार आहे. या पिकांचे बियाणे हवामानास अनुकूल आहेत. तसेच प्रतिकूल हवामानातही चांगले पीक देऊ शकतात. तसेच या जातींमध्ये भरपूर पोषकतत्त्वे असल्याचं चौहान म्हणालेत.

पंतप्रधान नरेंद्र मोदींनी नेहमीच सर्वसमावेशक शेती आणि हवामान-अनुकूल पद्धतींचा अवलंब करण्यास प्रोत्साहन दिले आहे. भारताला कुपोषणमुक्त करण्यासाठी शाळेत माध्यान्ह भोजन व्यवस्था सुरू केली. तसेच पिकांच्या जैव-किल्लेदार जातींना प्रोत्साहन देण्यावरही त्यांनी भर दिला.

दरम्यान नव्या पिकांच्या जाती विकसीत केल्याने शेतकऱ्यांना चांगले उत्पन्न मिळेल. पिकांच्या १०९ जाती विकसीत करणं हे मोठी कामगिरी आहे. शेतकऱ्यांना नवीन उद्योजकतेच्या संधी उपलब्ध होतील, असे पंतप्रधान म्हणाले. आयसीएआरकडून विकसित करण्यात आलेले वाण कमी खर्चात उपलब्ध असणार आहेत.