काकाने कपडे घ्यायला शाळेतून नेलं, नग्नावस्थेत आढळली पुतणी; गुप्तांगावर ब्लेडचे निशाण

जयपूर : 14 वर्षीय मुलीला तिच्या काकाने शाळेतून ड्रेस आणण्यासाठी नेलं होतं, ते दोघेही यानंतर बेपत्ता होते अखेर या दोघा काका-पुतणीचा मृतदेह नागोरमध्ये सापडला आहे. मृत मुलीच्या आजोबांनी आपली १४ वर्षीय नात बेपत्ता झाल्याने मयत काकाच्या विरोधात तक्रार दाखल केल्याची माहिती पोलिसांनी दिली आहे.

पोलिसांच्या (Police) प्राथमिक तपासानुसार काकानेच पुतणीची हत्या करुन आत्महत्या केल्याची शक्यता असल्याचं सांगितलं आहे. मात्र, या दोघांची हत्या केली असून यामध्ये २ ते ३ जण सामील असल्याचं मुलीच्या वडिलांच म्हणणं आहे. आजोबांनी पोलिसांना सांगितलं होतं की, मुलीचा काका तिला तिच्या शाळेतून ड्रेस (Dress) घेण्यासाठी जात असल्याचं सांगूण घेऊन गेला होता. त्यानंतर ते दोघेही बेपत्ता होते दरम्यान, काकाचा गळफास घेतल्याची अवस्थेत मृतदेह आढळला आहे तर मुलगी नग्न अवस्थेत सापडली आहे.

अशी झाली दोघे बेपत्ता -

खिवसर पोलीस स्टेशन (Khivsar Police Station) हद्दीमधील एका गावातील ३० वर्षीय काकाने ३ दिवसांपूर्वी गावामधीलच सरकारी शाळेत शिकणाऱ्या आपल्या 14 वर्षीय पुतणीला गोडीवरुन होळीसाठी नवीन कपडे देणार असल्याचं सांगून घेऊन गेला. मात्र त्यानंतर काका-पुतणी गायब झाले ते परतलेच नाहीत. दरम्यान, घरातील सदस्यांनी याबाबत पोलिसांत तक्रार केली होती. यानंतर आता काकाचा मृतदेह झाडाला लटकलेल्या स्थितीत तर मुलीचा मृतदेह नग्नावस्थेत आढळलाय.

धक्कादायक बाब म्हणजे या काकाचा मृतदेह झाडाला लटकलेल्या अवस्थेत होता, मात्र पुतणीचा न्यूड मृतदेह एका खड्ड्यात पुरला होता एवढेच नव्हे तर या मुलीच्या गुप्तांगासह तिच्या शरीरातील अनेक भागांवरती ब्लेडने कापल्याचे निशाण आढळले आहेत.