संतोष शाळिग्राम -
नवी दिल्ली : शिवसेना नेते आणि राज्यसभा सदस्य संजय राऊत (Sanjay Raut) यांच्याविरोधात दिल्ली पोलिसांनी (Delhi Police) रविवारी मानहानीचा गुन्हा दाखल केला आहे. संजय राऊत यांनी दोन खासगी TV चॅनेलवर दिलेल्या मुलाखतींमध्ये भाजप कार्यकर्त्यांबद्दल आक्षेपार्ह टिप्पणी केल्याचा आरोप आहे. भाजप महिला मोर्चाच्या राष्ट्रीय सरचिटणीस दीप्ती रावत भारद्वाज (Deepti Rawat Bhardwaj) यांनी मंडवली पोलीस ठाण्यात संजय राऊत यांच्या विरोधात तक्रार दिली होती, या मुलाखतीचा व्हिडिओही (Video) पोलिसांना सादर करण्यात आला होता.
हे देखील पहा -
तपासानंतर पोलिसांनी भादंविच्या 509 आणि 500 (अश्लील शब्दांचा वापर आणि बदनामी) गुन्हा दाखल केला आहे. पोलिसांनी संजय राऊत यांच्यावरही विनयभंगाचे कलम लावावे, अशी विनंती भारद्वाज यांनी पोलिसांकडे केली आहे.
दीप्ती रावत या भारद्वाज आयपी एक्स्टेंशनमध्ये राहतात. दीप्ती रावतने पोलिसांना सांगितले की, गुरुवारी ती एक खाजगी मराठी वाहिनी पाहत होती. संजय राऊत यांची मुलाखत त्यांच्यावर येत होती, त्यांच्या मुलाखतीत ते भाजप कार्यकर्त्यांबद्दल आक्षेपार्ह वक्तव्य करत होते. त्या वक्तव्यामुळे कार्यकर्त्यांच्या भावना दुखावल्याचा आरोप करत त्यांनी राऊत यांच्याविरोधात पोलीस ठाण्यात लेखी तक्रार दिली. तक्रार आल्यानंतर पोलिसांनी तपास करून गुन्हा दाखल केला. सध्या पोलिसांनी करून तपास सुरू केला असल्याचे समजते.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.