विना वीज या व्यक्तीने चालवला फॅन; व्हिडिओ व्हायरल

नवी दिल्ली: देशाच्या अनेक भागांत कडाक्याचा उष्णता कायम आहे. उष्णतेच्या लाटेचा सामना करणाऱ्या नागरिकांना वीजपुरवठा खंडित होण्याचाही फटका बसत आहे. दरम्यान, अनेक राज्यांमध्ये कोळशाचा तुटवडा असल्याच्याही चर्चा आहेत, अशा परिस्थितीत विजेचे संकट आणखी वाढू शकते. यादरम्यान सोशल मीडियावर (Social Media) मीम्स व्हायरल होत आहेत.

लोडशेडिंगचा मुद्दा सोशल मीडियावर चांगलाच गाजत आहे. नेटकरी वेगवेगळ्या प्रकारचे फनी मीम्स शेअर करून आपली नाराजी व्यक्त करत आहेत. #PowerCut, #PowerCrisis आणि #CoalShortage हे हॅशटॅग ट्विटरवर ट्रेंड करत आहेत.

आयएएस अधिकारी अवनीश शरणनेही एक मजेदार व्हिडिओ शेअर केला आहे. यामध्ये एक व्यक्ती स्वतःच्या हाताने पंखा फिरवून हवा घेण्याचा प्रयत्न करत आहे. 'हे तंत्र भारताबाहेर जाऊ नये' अशी कॅप्शन त्यांनी दिली आहे.

दिल्ली-एनसीआर, झारखंड, राजस्थान, उत्तर प्रदेश, पंजाब, महाराष्ट्र, मध्य प्रदेश, बिहार, आंध्र प्रदेश या राज्यांसह अनेक राज्यात लोडशेडिंग आहे. केंद्राबरोबरच राज्य सरकारही आपापल्या स्तरावरुन या समस्येतून सुटका करण्यासाठी प्रयत्न करत आहे. (Power Cut Memes)

देशातील विविध राज्यांतील विजेचे संकट पाहता, कोळशाची उपलब्धता वेळेवर व्हावी, म्हणून रेल्वेने ४२ पॅसेंजर गाड्या रद्द केल्या आहेत. कडाक्याच्या उन्हात विजेची मागणी वाढल्याने येत्या काही दिवसांत विजेचे संकट अधिक गंभीर होण्याची शक्यता आहे.

Edited By- Santosh Kanmuse