Elon Musk On Chandrayaan 3: चांद्रयान ३ मोहिमेचं बजेट हॉलिवूड चित्रपटापेक्षाही कमी; इलॉन मस्क म्हणाला, मान गए इंडिया...

Chandrayaan 3 Launched : गातील सर्वात प्रभावशाली व्यक्तीमत्त्व असलेल्या एलॉन मस्कनेही भारताचे कौतुक केलं आहे.
Elon Musk On Chandrayaan 3
Elon Musk On Chandrayaan 3 Saam Tv

Elon Musk Appreciate Chandrayaan 3 : 'चांद्रयान ३' च्या सॉफ्ट लँडिंगकडे अवघ्या देशाचं लक्ष लागलं आहे. आज, बुधवारी संध्याकाळी ६ वाजून ४ मिनिटांनी चांद्रयान ३ चे लँडर चंद्राच्या पृष्ठभागावर यशस्वीपणे उतरले. जगभरातून देशाचे कौतुक होत आहे. आता जगातील सर्वात प्रभावशाली व्यक्तीमत्त्व असलेल्या एलॉन मस्कनेही भारताचे कौतुक केलं आहे.

सध्या सगळीकडेच चांद्रयान ३ ची चर्चा सुरू आहे. सोशल मीडियावर भारताचे प्रचंड कौतुक होत आहे. एक्स (ट्विटर)या प्लॅटफॉर्मवर एकाने पोस्ट केली आहे की, 'चांद्रयान-3 ($75M) साठी भारताचे बजेट इंटरस्टेलर चित्रपटापेक्षा ($165M) कमी आहे'.

Elon Musk On Chandrayaan 3
Chandrayaan-3 Landed Successfully: जय हो! चांद्रयान-३ चंद्रावर यशस्वीपणे उतरलं, अवघा भारत आनंदला!

या ट्विटवर टेस्ला कंपनीचे प्रमुख एलॉन मस्कने रिप्लाय केला आहे. 'भारतासाठी चांगल गोष्ट' (Good For India) असा रिप्लाय करत भारताचे कौतुक केले आहे.

भारताचे संपूर्ण जगभरातून कौतुक होत आहे. अनेक क्षेत्रातून चांद्रयानसाठी शुभेच्छा पाठवल्या जात आहे. भारतातील प्रत्येक नागरिक चांद्रयानसाठी प्रार्थना करत आहे. भारताच्या चांद्रयान ३ चे बजेट हे एका हॉलिवूड चित्रपटापेक्षाही कमी आहे. त्यामुळे सर्वांना भारताचे कौतुक आहे.

Elon Musk On Chandrayaan 3
Chandrayaan 3 Team: ऐतिहासिक क्षण जवळ येतोय; चांद्रयान-3 मोहिमेचे खरे हिरो कोण? जाणून घ्या

'चांद्रयान ३'चं बजेट

केंद्रीय मंत्री जिंतेद्र सिंह यांनी १४ जुलैला 'चांद्रयान ३' लाँचवेळी या मोहिमेच्या बजेटबद्दल माहिती दिली होती. 'चांद्रयान ३ साठी बजेट जवळपास ६०० कोटी आहे. चांद्रयानसाठी भारतीय अंतराळ संशोधन संस्था (इस्त्रो) आणि देशाचे अभिनंदन', असं जितेंद्र सिंह यांनी म्हटलं आहे.

भारत रचणार इतिहास

इस्त्रोची सर्वात महत्त्वपूर्ण मोहिम 'चांद्रयान ३' चे लँडर मॉड्यूल चंद्राच्या पृष्ठभागावर लँड होणार आहे. ही कामगिरी करणारा भारत चीन, अमेरिका आणि तत्कालिन सोव्हिएत युनियननंतरचा चौथा देश ठरणार आहे. तर दक्षिण ध्रुवावर पोहचणारा भारत हा पहिला देश असेल. पीटीआयच्या रिपोर्टनुसार, चंद्राच्या पृष्ठभागावर सुरक्षित आणि सॉफ्ट लँडिंग करणे हा 'चांद्रयान-3' चा उद्देश आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com