Delhi Blast: बॉम्ब स्फोटप्रकरणी तपास यंत्रणेला मोठं यश; पुलवामा येथून इलेक्ट्रिशियन तुफैलला अटक

दिल्लीतील लाल किल्ला स्फोटाच्या तपासात आणखी एक महत्त्वाचा यश मिळाले आहे. जम्मू आणि काश्मीरच्या राज्य तपास संस्थेने (SIA) आणि विशेष ऑपरेशन्स ग्रुपने (SOG) पुलवामा येथील रहिवासी तुफैल अहमदला अटक केली आहे. तुफैल हा एक इलेक्ट्रिशियन असून तो एका औद्योगिक वसाहतीत काम करतो. पोलिसांनी त्याला ताब्यात घेतले आहे. त्याची चौकशी सुरू आहे.

बॉम्ब स्फोटाच्या मॉड्यूलमध्ये तुफैलची भूमिका पूर्वीच्या विचारापेक्षा मोठी असू शकते. अशी माहिती सुत्रांनी दिलीय. तुफैल कोणाच्या संपर्कात होता, त्याच्या कारवाया काय होत्या. दिल्ली बॉम्बस्फोटाच्या कटात त्याचे काय योगदान असू शकते याचा सखोल तपास यंत्रणेमार्फत केले जात आहेत. आता पोलीस आणि तपास संस्था तुफैलविरुद्ध सर्व पुरावे गोळा करत आहेत. दिल्ली बॉम्बस्फोट कटात सहभागी असलेल्या प्रत्येक मोठ्या आणि किरकोळ घटकाचा पर्दाफाश केला जात आहे.

येत्या काही दिवसांत पोलीस त्याच्या संपर्कांची, फोन रेकॉर्डची आणि कारवायांची अधिक सखोल चौकशी करणार आहे. यामुळे बॉम्बस्फोटामागील सत्य आणि त्यात सामील असलेल्या नेटवर्कचा उलगडा होईल.