राजधानी दिल्लीतून मोठं वृत्त हाती आलं आहे. दिल्लीत लष्कर ए तोयबाच्या एका दहशतवाद्याला अटक करण्यात आली आहे. दिल्ली पोलिसांनी या दहशतवाद्याला दिल्ली रेल्वे स्टेशनवर अटक कली आहे. जम्मू-काश्मीरच्या कुपवाडामध्ये हा दहशतवादी सक्रिय होता. रियाज अहमद असे या दहशतवाद्याचे नाव आहे. (Latest Marathi News)
दिल्ली पोलिसांनी माहितीनुसार, दहशतवादी रियाजने एलओसीच्या बाहेर शस्त्र आणि दारूगोळा मिळविण्याच्या कामात मोठी भूमिका निभावली होती. आरोपी हा निवृत्त सैनिक आहे. दहशतवादी रियाज कोणत्या हेतूने राजधानी दिल्लीत आला होता, याबाबत कोणतीही माहिती मिळू शकलेली नाही. पोलीस त्याची चौकशी करत आहेत.
दहशतवादी रियाज हा शस्त्रे आणि दारूगोळा मिळविण्याच्या कामात खुर्शीद अहमद राथर आणि गुलाम सरवर राथरसोबत सामील असायचा. रियाज हा कश्मीरच्या कुपवाडा येथील राहणारा आहे. गुप्त माहितीच्या आधारावर पोलिसांनी रियाजला अटक केली.
पोलिसांच्या माहितीनुसार, रियाजकडून मोबाईल फोन आणि एक सिम कार्ड जप्त करण्यात आलं आहे. रियाजला अटक केल्यानंतर जम्मू-काश्मीरच्या संबंधित पोलीस स्टेशनच्या पोलीस अधिकाऱ्यांना कळविण्यात आलं आहे.
दहशतवादी रियाज ४ फेब्रुवारीला दिल्ली रेल्वे पोलीस स्टेशन येणार असल्याची माहिती दिल्ली पोलिसांना मिळाली होती. गुप्त माहितीच्या आधारावर पोलिसांनी पथक तयार करत नवी दिल्ली रेल्वे स्टेशनच्या प्रत्येक गेटवर पोलीस तैनात केले. रियाज अहमद नवी दिल्ली स्टेशनच्या एक्झिट गेट नंबर १ वरून पळून जाणाच्या तयारीत होता. त्याचवेळी पोलिसांनी त्याला ओळखून अटक केले. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
