Delhi Crime News: दिल्लीत मुलींच्या PG हॉस्टेलबाहेर तरुणाचं किळसवाणं कृत्य, Video इंटरनेटवर व्हायरल

Man Spotted Doing Indecent Act Outside Girls PG In Delhi: दिल्लीतील एका मुलीच्या पीजी हॉस्टेलबाहेर एका तरुणाने अश्लील कृत्य केल्याचा धक्कादायक प्रकार समोर आला आहे. तरुणाच्या या किळसवाण्या कृत्या व्हिडिओ देखील व्हायरल झाला आहे. हा व्हिडिओ समोर आल्यानंतर लोकांकडून संतप्त प्रतिक्रिया व्यक्त करण्यात येत आहे.

दिल्ली महिला आयोगाच्या (DCW) प्रमुख स्वाती मालीवाल यांनी त्या तरुणावर कारवाई करण्याची मागणी केली आहे. स्वाती मालीवाल यांनी सोमवारी ट्विटरवर दोन व्हिडिओ शेअर केले. यात एक तरुण रात्रीच्या वेळी मुलीच्या पीजी हॉस्टेलबाहेर उभा राहूण अश्लील कृत्य करताना दिसत आहे.

स्वाती मालीवाल यांनी ट्वीटमध्ये म्हटले की, “आम्हाला दोन तक्रारी मिळाल्या की एक मुलगा रात्री मुलींच्या पीजी हॉस्टेलच्या बाहेर उभा राहून अश्लील कृत्य करतो. दोन्ही व्हिडिओ एकाच व्यक्तीचे असल्याचे दिसत आहे. दिल्ली पोलिसांना हजेरीचे समन्स बजावले असून कारवाईचा अहवाल मागवला. ही बाब अत्यंत गंभीर आहे, असे त्यांनी या ट्वीटमध्ये म्हटलंय. (Marathi Tajya Batmya)

आउटलुकमधील एका रिपोर्टनुसार, दिल्ली महिला आयोकडे एक तक्रार करण्यात आली होती. त्यात 12 जूनच्या मध्यरात्री एक पुरुष पीजी निवासस्थानाबाहेर उभा राहिला आणि बाल्कनीत उभ्या असलेल्या काही महिलांकडे एकटक पाहत असताना त्याने अश्लील कृत्य केले. (Latest Political News)

दिल्ली पोलिसांना 19 जून रोजी या घटनेबाबत कृती अहवाल (एटीआर) मागणारी नोटीस पाठवण्यात आली होती. मात्र दिल्ली पोलिसांना उत्तर देण्यात अपयश आले. मॉरिस नगरच्या एसएचओला 28 जून रोजी दिल्ली महिला आयोगासमोर एटीआर रिपोर्टसह हजर राहण्यास सांगण्यात आले आहे. (Latest Marathi News)