Petrol-Diesel Restriction : १५ वर्षे जुन्या वाहनांना पेट्रोल-डिझेल मिळणार नाही; १ एप्रिलपासून अंमलबजावणी

Delhi pollution News : १५ वर्षे जुन्या वाहनांना पेट्रोल-डिझेल मिळणार नसल्याची घोषणा दिल्ली सरकारने केली आहे. या निर्णयाची अंमलबजावणी १ एप्रिलपासून होणार आहे.
punjab News
punjab Saam tv
Published On

दिल्लीचे पर्यावरण मंत्री मंजिंदर सिंह सिरसा यांनी प्रदुषण रोखण्याठी मोठा निर्णय घेतला आहे. एक एप्रिलपासून दिल्लीत १५ वर्षे जुन्या वाहनांना पंपावर पेट्रोल-डिझेल मिळणार नसल्याची घोषणा करण्यात आली आहे. दिल्लीत प्रदूषण रोखण्यासाठी घेतलेल्या बैठकीनंतर दिल्लीचे पर्यावरण मंत्री सिरसा यांनी निर्णयाविषयी माहिती दिली. या बैठकीत प्रदूषण रोखण्याविषयी सविस्तर चर्चा झाली.

punjab News
Delhi Earthquake : राजधानी दिल्ली भूकंपाने हादरली, भल्या पहाटे नागरिकांची धावपळ

सिरसा यांनी बैठकीनंतर म्हटलं की, 'प्रदूषण रोखण्यासाठी १५ वर्षे जुन्या वाहनांना दिल्लीत कोणत्याही पेट्रोल पंपावर पेट्रोल किंवा डिझेल मिळणार नाही. १५ वर्ष जुन्या वाहनांना ३१ मार्चपर्यंत इंधन मिळेल. त्यानंतर त्यांना इंधन मिळणार नाही. या निर्णयाची अंमलबजावणी करण्यासाठी एक पथक नेमलं आहे. हे पथक १५ वर्ष जुने वाहन शोधण्याचं काम करेल. पेट्रोल पंपावर गॅझेट लावण्यात येईल, ते १५ वर्ष जुन्या वाहने शोधण्याचे काम करेल. दिल्लीत कुठेही १५ वर्षे जुन्या वाहनांना पेट्रोल-डिझेल मिळणार नाही.

punjab News
Delhi CM Rekha Gupta : दिल्लीची कमान महिलेच्या हाती, मुख्यमंत्रिपदासाठी रेखा गुप्ता यांच्या नावावर शिक्कामोर्तब

सिरसा यांनी पुढे सांगितलं की, 'वृक्षारोपण अभियान सुरु करण्यात येणार आहे. यात दिल्ली विद्यापीठाच्या विद्यार्थ्यांना सहभागी करून घेण्यात येणार आहे. पुढे म्हणाले, 'विद्यापीठासोबत मिळून एक अशी व्यवस्था तयार करु, या अभियानात सहभागी होणाऱ्या विद्यार्थ्याना प्रमाणपत्र वितरीत करू. जेणेकरून सरकारच्या प्रमाणपत्रामुळे विद्यार्थ्यांना भविष्यात लाभ होईल'.

punjab News
Delhi CM Rekha Gupta Oath : रेखा गुप्तांनी घेतली मुख्यमंत्रिपदाची शपथ, मंत्रिमंडळात कोण कोण?

या व्यतिरिक्त दिल्ली सरकारने प्रदूषण पसरवणाऱ्या कंपन्यांना (हॉटेल, ऑफिस कॉम्प्लेक्स) प्रदूषण रोखण्यासाठी गॅझेट आणि अँटी स्मॉगगन लावण्याचे आदेश देण्यात आले आहेत. तसेच उंच इमारती, हॉटेल आणि कर्मशियल कॉम्प्लेक्समध्येही अँटी स्मॉगगन लावणे बंधनकारक करण्यात आलं आहे. दिल्ली विमानतळामुळे प्रदूषण होत आहे का, याबाबतही डाटा काढण्यात येत आहे. दिल्ली विमानतळाला देखील प्रदूषण रोखण्यासाठी योगदान द्यावं लागणार आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com